Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zbardhet debati në grup/ Kosova, Vokshi dhe Noka i shprehin shqetësimin Bashës: Analiza e 25 qershorit nga njerëz që punuan kundër PD

Politiko 31 Tetor 2017, 11:30

Zbardhet debati në grup/ Kosova, Vokshi dhe Noka i shprehin

Tre deputetë demokratë i kanë shprehur shqetësimin kryetarit Lulzim Basha për përfshirjen e disa individëve në procesin e analizës së humbjes në zgjedhjet e 25 qershorit, të cilët kanë punuar në fushatë kundër PD-së, raporton Panorama.

Halim Kosova, Albana Vokshi dhe Flamur Noka kanë folur në mbledhjen e grupit për pjesëmarrjen e këtyre individëve në procesin e analizës, që sipas tyre, nuk ndihmon në ngritjen e moralit te demokratët e thjeshtë. Ata kanë theksuar se kanë prova që disa persona kanë punuar hapur kundër PD-së dhe tani pretendojnë se do bëjnë analizën e humbjes.

Megjithatë, Basha ka theksuar se personat e përzgjedhur për të bërë këtë analizë nuk janë emërime të tij, por pjesë e strukturave të partisë. Ai ka kërkuar nga deputetët që të respektojnë udhëzimin, pasi i intereson të dijë se çfarë mendojnë qytetarët në bazë.

Halim Kosova: Kryetar, unë e kisha për të diskutuar një shqetësim që nuk lidhet me procesin e analizës së brendshmë që kemi nisur pas udhëzimit tuaj. Në gjykimin tim, por edhe në komunikimiet e vazhduesme që kam me përfaqësues të seksioneve dhe grupseksioneve, ka një pakënaqësi, deri në refuzim të disa prej njerëzve që vijnë për të bërë analizën. Nuk ka asnjë kuptim, që në ato mbledhjet që ne zhvillojmë për të kuptuar arsyet përse arritëm të merrnim atë rezultat në 25 qershor, të vijnë njerëz që minimalisht qëndruan pasivë gjatë fushatës zgjedhore dhe akoma më keq, njerëz që kanë punuar kundër në fushatë. Nuk mund të rrimë në të njëjtën tavolinë edhe njerëz që kanë punuar për të arritur fitoren e atyre mandateve dhe të tjerë, që u përpoqën për të thelluar humbjen. Është e qartë, këta njerëz nuk kanë punuar për fitoren e PD dhe nuk duhet të jenë, në gjykimin tim, pjesë e procesit të analizës. Duhet të shkojmë me një moral të lartë dhe me njërëz të moralshëm e punëtorë e me kontribute te strukturat tona. Ata që punuan kundër PD-së, le të vijnë këtu në seli, të japin mendimet e tyre në forumet që bëjnë pjesë, por nuk mund të mbajnë flamurin e debatit të analizës.

Flamur Noka: këtë shqetësim e kam edhe unë, madje j’ua kam shprehur edhe personalisht kryetar. Unë e kam të pamundur të pranoj në mbledhjet e analizës njerëz, që une di fare mirë që kanë bërë telefonata kundër PD-së në fushatë.

Albana Vokshi: Problemi është se në mbledhjet që ne zhvillojmë, ka persona të veçantë që vijnë me axhendë të përcaktuar. Është e lexueshme që nuk ka vend për diskutim, që disa persona që hapur punuan kundër PD-së dhe u shprehën akoma më ashpër pas humbjes, vijnë në mbledhjet e analizës me një axhendë të tyre.

Lulzim Basha: unë e kam thënë qartë dhe i qëndroj vendimit tim. Procesi i analizës së zgjedhjeve do të jetë gjithashtu një proces bashkimi dhe jo ndarjeje të demokratëve. Unë ju kërkoj të zbatoni udhëzimin që unë kam firmosur. Aty gjithçka është e qartë. Nuk ka asnjë të emëruar nga unë në krye të proceseve të analizës në të gjitha degët e PD. Çdo anëtar është i deleguar në bazë të posteve apo detyrave që kanë në parti, dikush anëtar i Këshillit Kombëtar, dikush anëtar kryesie, deputetët gjithashtu. Unë nuk jam me individët, jam me strukturat. Më interesojnë që ata të thonë fjalën e tyre, më intereson të di çfarë mendojnë demokratët e thjeshtë në lidhje me humbjen e PD. Sa për të tjera, gjithsecili ndodhet në mbledhjet e analizës për shkak të detyrave apo pozicionit që ka në parti. Gjithsecilit prej jush i kërkoj vetëm të respektojë udhëzimin tim!