Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zbardhet ‘email-i’ i Mimoza Hafizit për Ben Blushin: Kërko falje që të kthehem. Kryetari: E përdorur, të hedh në kosh

Politiko 18 Nëntor 2017, 19:21

Zbardhet ‘email-i’ i Mimoza Hafizit për Ben Blushin: Kërko

Partia LIBRA e themeluar nga Ben Blushi dhe Mimoza Hafizi, tashmë është përçarë keqazi. Fillimisht u publikuan disa emaile, në të cilat Blushi fyente Mimoza Hafizin, pse kjo e fundit kërkonte një funksionim ndryshe të partisë. Më pas doli dhe një video, ku një anëtar i LIBRA-s është goditur dhe nxjerrë me dhunë nga salla e mbledhjes, pasi ai ka kritikuar Blushin. Më poshtë është një email i Mimoza Hafizit, i publikuar nga ‘Tema’, drejtuar anëtarëve të LIBRA-s dhe përgjigjen që i ka kthyer asaj, vetë Ben Blushi:

Mesazhi i Mimoza Hafizit për Ben Blushin ditën e mërkurë, 15 nëntor 2017, ora 16.27

Të nderuar kolegë! Siç shumica prej jush janë në dijeni, dy ditët e fundit jam akuzuar, agresuar dhe fyer rëndë, përmes mesazhesh publike nga kryetari i LIBRA- s. Preteksti ishte drafti i statutit, të cilin unë e kam bërë shumë transparent, përmes të gjitha dokumenteve të shkëmbyera bashkërisht, prandaj nuk dua të shpenzoj fjali të tjera për të. Ju shkruaj për tju thënë se unë nuk mund të marr pjesë në asnjë mbledhje a takim të thirrur nga z.Blushi, nëse ai nuk më kërkon ndjesë publike përpara gjithë grupit ku ka shkruar për akuzat e pabaza dhe fjalorin e padenjë drejtuar ndaj meje. Më besoni do të ishte cenuese për dinjitetin tim nëse bëj të kundërtën.

Do ju cenoja edhe ju, një pjese të madhe prej jush, nëse unë si bashkëthemeluese kryesore e organizatës ku erdhët me parime të forta politike dhe etike, do të bëhesha palë me ato sulme që më janë drejtuar. Kurse personalisht jam e prekur që këto fjalë vijnë nga njeriu që kam mbështetur më shumë, me ndershmërinë dhe sinqeritetin më të madh. Duke shkelur hera-herës edhe mbi veten time, por duke besuar në një kauzë, të cilën isha e vendosur ta çoja në destinacion, në 25 qershor.

Nëse ende besoni se LIBRA mund të jetë një organizatë ku forcën e kanë njerëzit me parime dhe etikë, organizatë e papajtueshme me intrigën, thashethemet, helmin, ligësinë e paranojën dhe nëse luftoni për të arritur këtë, unë jam aty. Do të më keni në krah me po atë përkushtim, mirësjellje dhe luajalitet, si në ditën e parë. Por kjo nuk është e lehtë dhe ka nevojë për kontributin e gjithëseicilit. Unë kam bërë shumë beteja në jetën time dhe zhgënjimin e kam të madh. Kam nevojë për shumë besim, që ky zhgënjim të më kthehet në shpresë. Do e uroja me gjithë zemër.

Përgjigjja e Ben Blushit një minutë më vonë, më 16.28

Pension të mbarë Moza. Besoj se LIBRA të ka dhënë shumë mundësi për të kaluar kohën e mbetur me njerëz të ngjashëm, disa prej të cilëve i ke shtuar pabesisht në këtë email. Unë nuk ndaj asgjë me hileqarët kushdo qofshin ata. Libra vazhdon rrugën si çdo krijesë që i hedh gjërat e përdorura në kosh.