Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zbulohet superpasuria e kryebashkiakut të Durrësit, pallate dhe llogari bankare në emër të tij

Politiko 13 Nëntor 2017, 14:43
Zbulohet superpasuria e kryebashkiakut të Durrësit, pallate dhe

Kryetari i Bashkisë së Durrësit, Vangjush Dako, rezulton një nga kryebashkiakët më të pasur në vend. Sipas portalit “Spending Data Albania”, rubrika ‘Para dhe Pushtet’  janë publikuar të dhëna mbi deklarimin pasurorë për vitin 2016 të kryebashkiakëve të vendit.

Nga të dhënat e portalit rezulton se Vangjush Dako është një drejtues Bashkie shumë i pasur. Prona më e madhe që ka Dako në pronësinë e tij 100% është një pallat 11 katesh me sipërfaqe totale 3 640 m2 në vlerën 72 000 000 lekë. Që e bën automatikisht një njëri shumë të pasur. Prona tjetër e rëndësishme e Dakos është një tokë truall me sipër 1 800 m2 në vlerën 50 000 dollar. Një tjetër pronë që është në pronësinë e tij të plotë është  një apartament me sip. 130 m2 në vlerën 40 000 dollar.

Gjithashtu Dako është pronar i dy magazinave. Njëra me sipërfaqe 187 m2 që është bashkë me  një trualli me sipërfaqe 539 m2 në vlerën 550 000 lekë. Po ashtu është pronar i një magazine tjetër me sipërfaqe 300 m2 në vlerën 500 000 lekë. Po ashtu edhe pronar i një garazhi me sipërfaqe 100 m2 në vlerën 15 000 dollar. Për të gjitha pronat e sipër përmendura Vangjush Dako është pronar i vetëm me 100 % te aksioneve.

Vangjush Dako deklaron se është Pronar me 100% të aksioneve i dy automjeteve të shtrenjta,  një veture tip “Mercedes Benz” në vlerën 25 000 euro. Gjithashtu edhe një veturë tjetër  tip “BMW” në vlerën 700 000 lekë. Të dyja këto makina janë marka të shtrenjta dhe makina të konsumit të lartë të karburantit. Pasuria e kryebashkiakut të Durrësit e lejon atë të mbaj këto dy makina të shtrenjta.

Dako për vitin 2016 ka deklaruar se ka pasuri në bankë në vlerën  në vlerën 140 000 lekë por dhe një llogari tjetër në vlerën 4 000 euro.

Si kryetar i Bashkisë së Durrësit Dako merr një rrogë mujore me vlerën 1 397 528 lekë, kësaj rroge i shtohen të ardhurat si anëtar i Këshillit të Qarkut Durrës në vlerën 140 845 lekë.

Bashkëshortja, Znj. Alba Dako, ka të ardhura nga paga si përgjegjëse laboratori në Drejtorinë Rajonale Shëndetësore, 647 737 lekë.

Familja Dako ka gjithsej 10 llogari bankare më shuma të konsiderueshme në banka por gjithashtu vihet re se Dako ka dhe një detyrim të pa paguar prej 2314 euro në një llogari bankare.

1) Gjendje llogari bankare më 31 dhjetor, 2 675 euro.

2) Gjendje llogari bankare më 31 dhjetor, 11 016 dollar.

3) Gjendje llogari bankare më 31 dhjetor, 17 845 lekë.

4) Gjendje llogari bankare më 31 dhjetor, 381 395 lekë.

5) Gjendje llogari bankare më 31 dhjetor, 843 658 lekë.

6) Gjendje llogari bankare më 31 dhjetor, 10 818 lekë.

7) Gjendje llogari bankare më 31 dhjetor, 180 lekë.

Dirol Gjendje llogari bankare më 31 dhjetor, 200 euro.

9) Detyrim i papaguar kartë krediti, 2 314 lekë.

10) Djali, Xhorxhi Dako, zotërues i 35% të aksioneve të shoqërisë Artic-Group shpk, 966 000 lekë, me para marrë borxh nga xhaxhai.

11) Djali, Xhorxhi Dako, zotërues i 20% të aksioneve të shoqërisë DB Wash International, 20 000 lekë. (TiranaToday)

Të fundit