Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zgjedhja e Dukës në FSHF/ Paloka: Rama donte të kapte futbollin si ka kapur drejtësinë

Politiko 7 Shkurt 2018, 18:09

Zgjedhja e Dukës në FSHF/ Paloka: Rama donte të kapte futbollin

Zgjedhjet në FSHF kanë ndezur shumë gjakra dhe kjo për arsyen e fortë se përballë Armando Dukës nuk ishte një sportist, por një politikan.

Pas nxjerrjes së rezultatit ku fitues doli Duka, ka reaguar edhe nënkryetari i Partisë Demokratike Edi Paloka, i cili duket i lumtur nga kjo fitore.

Paloka përmes një statusi në rrjetin e tij social Facebook ka shprehur qëndrimin e tij absolutisht pro zgjedhjes së Dukës për herë të pestë në krye të FSHF dhe nuk ka harruar që të hidhte akuza edhe ndaj Ramës, ku tha se donte të kapte futbollin ashtu siç ka kapur drejtësinë, po nuk e ka lënë me kaq.

Paloka ka thënë se këtë zgjedhje ishin njësoj si zgjedhjet parlamentare në 2017-ën ku Rama ka kërcënuar fizikisht delegatët që të mos dalin nga shtëpia ditën që votohet.

Statusi i plotë i Edi Palokës:

“Nuk kam dashur te futem ne diskutimet per zgjedhjet ne Federaten e Futbollit . Fakti qe Rama futi hundet dhe tek futbolli , ishte i mjaftueshem per te na bere pale; si qytetare, si tifoze po sigurisht dhe si demokrate. Megjithate pervec denoncimit publik se nepermjet Finos, Rama kerkonte te kapte dhe kete institucion, nuk pati qendrime te tjera te politikes opozitare.

Por , pasi degjova kandidatin e Rames te deklaronte sot se do te ankimonte votimin sepse e konsideronte jo legjitim, nuk mund te heshtja me per disa te verteta.

Sikur te kishin lidhje vetem me zgjedhjet per Federaten , mbase prape do te heshtja, po per fat te keq , nuk eshte vetem aq.

Fushata per zgjedhjet ne Federaten e Futbollit ishte nje kopje e asaj qe ndodhi me zgjedhjet parlamentare te 2017.

Deputete , ministra dhe personazhe te botes se krimit u perdoren qe Rama ta merrte dhe kete institucion. Kulaci dhe kerbaci u perdoren edhe ndaj te zgjedhurve vendore te PD, imagjinoni cfare ka ndodhur me delegatet qe nuk kane patur profil politik.

Personazhe te botes se krimit jane perdorur per te kercenuar edhe fizikisht delegate dhe njesoj si ne zgjedhjet parlamentare, kur nuk kane garantuar voten per Ramen, jane kercenuar te mos dalin nga shtepia diten qe votohet.

E cfare eshte me e renda ,e qe tregon se kete vend e drejton mafia me kostum qeveritar, eshte jo shkalla e bashkepunimit qe kjo qeveri ka me krimin, por metodat tipike mafioze qe perdorin per te vene ne sherbim te tyre krimin. Pervec joshjes , jane te shumta rastet qe vertetojne se vete bota e krimit shantazhohet nga qeveritaret me problemet qe ata kane me ligjin duke ju kerkuar sherbim ne kembim te “lirise”.

Te gjitha keto metoda tipike per mafien dhe Sigurimin e Shtetit, u perdoren ne zgjedhjet parlamentare dhe u tentuan njesoj edhe me zgjedhjet per Federaten, kurse kandidati i Rames ka guximin edhe te deklaroje se do te ankimohet.

Guri i fundit drejtesia e kapur ?

Une nuk mund ta fsheh qe ndjehem mire sot jo vetem per fitoren e Dukes( te cilit i uroj suksese ) , po sidomos per humbjen e Rames .

Jam i gezuar se shoh qe ka ende njerez me dinjitet dhe kurajo civile ne kete vend , qe nuk tremben dhe nuk joshen por respektojne ne rradhe te pare veten . Jam i bindur qe me kurajo e dinjitet , shqiptaret shume shpejt do te cojne dhe Ramen nga kryeministria ne ps.”