Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Zgjedhjet në Gjermani, Vetëvendosje thirrje diasporës shqiptare të votojnë për rivalin e Angela Merkel

Politiko 23 Shtator 2017, 08:34

Zgjedhjet në Gjermani, Vetëvendosje thirrje diasporës shqiptare

Partia Lëvizja Vetëvendosje në Kosovë, e cila drejtohet nga Visar Ymeri, i ka bërë thirrje diasporës shqiptare në Gjermani që në zgjedhjet parlamentare të 24 shtatorit të votojnë për SPD me kandidat Martin Schulz, rival i Angela Merkel.

Vetëvendosje thekson se disa nga propozimet e Social-demokratëve gjermanë lidhen me programin e partisë shqiptare.

Ndërkohë, kjo parti e konsideron të rrezikshme rritjen e ekstremit të djathtë ksenofob në Gjermani, që sipas saj përfaqësohet nga Partia Alternativa për Gjermaninë (AFD).

Diaspora shqiptare arrin në një numër të konsiderueshëm në Gjermani, pasi llogaritet nga 350 mijë deri në 500 mijë shqiptarë nga Kosova, Maqedonia dhe Shqipëria.

Reagimi:

ZGJEDHJET PARLAMENTARE NË GJERMANI KANË NEVOJË PËR MOBILIZIM TË GJERË KUNDËR TË DJATHTËS EKSTREME

Ditën e diel në Gjermani do të zhvillohen zgjedhjet parlamentare. Lëvizja VETËVENDOSJE! e ka ndjekur me kujdes të veçantë fushatën zgjedhore për shkak të rolit tejet të rëndësishëm të Gjermanisë në Bashkimin Evropian dhe më tej në nivel ndërkombëtar, për shkak të marrëdhënieve shqiptaro-gjermane si dhe për rëndësinë që do të kenë këto zgjedhje për mërgatën shqiptare që jeton në Gjermani. Në këto zgjedhje qytetarët e Gjermanisë përballen me një rrezik real të rritjes së ekstremit të djathtë ksenofob të përfaqësuar nga retorika dhe politikat populiste të propozuara nga partia “Alternative für Deutschland” – AFD – (Alternativa për Gjermaninë). Problemet ekonomike dhe socio-politike me të cilat përballen qytetarët e Gjermanisë nuk mund të gjejnë zgjidhje përmes anatemimit që bën AFD-ja ndaj kulturave dhe popujve të tjerë.

Përballë këtij rreziku, Lëvizja VETËVENDOSJE! i bën thirrje të gjithë mërgatës shqiptare që jeton në Gjermani që të angazhohet direkt në këto zhvillimeve kaq të rëndësishme, duke u interesuar së pari mbi programet politike të partive të tjera që janë në garë në këto zgjedhje. Disa prej propozimeve të dhëna nga Partia Social Demokrate e Gjermanisë (SPD) që lidhen me uljen e taksave për shtresën e ulët dhe të mesme, stabilizimin e pensioneve, zgjerimin e arsimit publik falas, si dhe investime të ndryshme publike dhe angazhimi për drejtësi sociale, janë pika programore të cilat përputhen edhe me programin politik të Lëvizjes VETËVENDOSJE!.

Gjejmë rastin ta ftojmë mërgatën shqiptare ta shfrytëzojë të drejtën e votës duke marrë pjesë masivisht në zgjedhjet parlamentare që do të mbahen në datën 24 shtator 2017 në Gjermani.

Prishtinë, 22 shtator 2017

Lëvizja VETËVENDOSJE!