Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zgjedhjet në Mal të Zi, Rama thirrje qytetarëve për gjithpërfshirje: Votoni Listën Shqiptare! Mbështesni Gjukanoviç!

Politiko 27 Gusht 2020, 12:02

Zgjedhjet në Mal të Zi, Rama thirrje qytetarëve për

Kryeministri Edi Rama u ka bërë thirrje të gjithë shqiptarëve në Malin e Zi që të votojnë listën shqiptare në zgjedhjet e 30 gushtit.

Përmes një video-konference, Rama e ka cilësuar si një ditë me rëndësi të posaçme që nga koha e pavarësisë së Malit të Zi, ndërsa u ka kërkuar shqiptarëve në këto treva të zgjedhin vetë fatin e tyre duke votuar Listën Shqiptare dhe mbështetur Gjukanoviç.

“Sot keni detyra të rëndësishme për të mbështetur vendin në integrimin europian. Përfshihuni, përfshihuni, përfshihuni në zgjedhjet e së dielës për Listën Shqiptare.

Ka ende shumë për t'u bërë kjo dihet. Keni shumë kritika dhe me të drejtë. Por për të zgjidhur problemet duhet të votoni Listën Shqiptare. Mbështesni Gjukanovic!”, ka thënë ndër të tjera Rama.

“Të dashur bashkatdhetar në Malin e Zi. 30 gushti nuk është një e dielë e zakonshme për vendin ku keni shtëpinë tuaj, ku punoni, jetoni dhe rrisni fëmijët tuaj. Nuk është një e dielë e zakonshme jo sepse do të votoni dhe si gjithnjë një ditë votimi nuk është si të tjerat, por sepse këtë herë do t’ju duhet të bëni një zgjedhje me një rëndësi të posaçme. Dhe si asnjëherë tjetër do të zgjidhni më shumë se sa për një parti. Do të zgjidhni për vetë fatin e shqiptarëve në Malin e Zi.

Një Mali i Zi me frymën euroatlantike të botës të cilës ne shqiptarët në Shqipëri dhe kudo i përkasim, apo një Mal i Zi me frymarrje të penguar nga ndikime jashtë botës sonë.

Një Mal i Zi ku pozita juaj fuqizohet brenda kornizës së vlerave dhe standardeve Perëndimore të BE dhe NATO-s, apo një Mal të Zi ku këto pika referimi interferohen nga valë të tjera dhe pozita juaj dobësohet.

Një Mal i Zi ku Shqipëria ecën krahë për krah në të njëjtin drejtim dhe me të njëjtat synime madhore për të ardhmen e femijëve tanë, apo një Mal të Zi që i kthen sytë në drejtime të tjera.

Unë besoj se zgjedhja juaj do të ishte qartë dhe vota juaj të jetë e bashkuar në të njëjtin drejtim që fuqizon qëndrimin tuaj në jetën politike të Malit të Zi dhe shkon në harmoni me zgjedhjen e duhur për atë vend që duhet me doemos të vijoj përpara.

Prandaj sot ju bëj thirrje që në asnjë mënyrë të mos lini pa ushtruar të drejtën tuaj të votës dhe ta mbështesni sa më fuqimisht Listën Shqiptare. Ajo Listë nuk është thjesht një mbledhje partish shqiptare, por lidh për herë të parë Malësinë me Ulqinin dhe si rrjedhojë lidh bashkë shqiptarët duke mbështetur njeri-tjetrin dhe drejtimin euroatlantik të Malit të Zi.

Ju mund të mos jeni të mëdhenj në numër, por pesha juaj është aspak e vogël dhe në këto zgjedhje cdo vot e juaja peshon më shumë sesa në të gjitha zgjedhjet pas pavarësisë në vendin tuaj.

Sot keni detyra të rëndësishme për të mbështetur vendin në integrimin europian. Përfshihuni, përfshihuni, përfshihuni në zgjedhjet e së dielës për Listën Shqiptare.

Ka ende shumë për t'u bërë kjo dihet. Keni shumë kritika dhe me të drejtë. Por për të zgjidhur problemet duhet të votoni Listën Shqiptare. Mbështesni Gjukanovic!”, ka përfunduar meszhin e tij kryeministri Rama.

Kujtojmë se, 5 parti shqiptare në Mal të Zi do të garojnë në një koalicion të përbashkët në zgjedhjet parlamentare të 30 gushtit 2020. Liderët e Alternativës Shqiptare, Forcës së Re Demokratike, Lidhjes Demokratike Shqiptare, Unionit të Tuzit dhe Lëvizjes Qytetare Perspektiva kanë nënshkruar një marrëveshje për të kandiduar në zgjedhje me një listë të përbashkët të kandidatëve.