Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zgjedhjet në SHBA, presidenti Trump thirrje qytetarëve: Votoni nga dy herë

Politiko 3 Shtator 2020, 13:30
Zgjedhjet në SHBA, presidenti Trump thirrje qytetarëve: Votoni nga dy

Presidenti i ShBA, Donald Trump, u ka kërkuar qytetarëve në shtetin e Karolinës së Veriut të votojnë dy herë në zgjedhjet e  3 nëntorit, pavarësisht se e gjitha kjo është e paligjshme.

Trump sugjeroi që votuesit të votojnë një herë personalisht dhe për herë të dytë me postë, në mënyrë që të testojnë sistemin, teksa shpesh ka hedhur pretendime se votat postare janë të prekshme ndaj mashtrimeve elektorale.

Pasi presidenti Trump bëri komentet, Prokurori i Përgjithshëm i Karolinës së Veriut, Josh Stein, shkroi në Twitter se ai kishte "inkurajuar me egërsi njerëzit në shtet të thyejnë ligjin për ta ndihmuar atë të mbjellë kaos në zgjedhjet amerikane".

"Sigurohuni që të votoni, por mos votoni dy herë! Unë do të bëj gjithçka që kam në dorë që të sigurohem që vullneti i njerëzve të mbrohet në nëntor", shtoi ai.

Demokratët gjithashtu kanë akuzuar presidentin Trump dhe partinë Republikane për përpjekjen për të manipuluar votat në mënyrë që të fitojnë zgjedhjet.

Kjo nuk është hera e parë që presidenti Trump bën komente të diskutueshme në lidhje me votimin postar. Duke folur në Kongresin Kombëtar Republikan, ai deklaroi se ka një mashtrim të jashtëzakonshëm të përfshirë në votimin postar dhe se amerikanët duhet të jenë shumë të kujdesshëm.

Por këto pretendime janë rrëzuar fuqimisht dhe vazhdimisht nga ekspertët.

Ellen Weintraub, komisionere e Komisionit Federal të Zgjedhjeve, u përgjigj se "nuk ka asnjë bazë për teorinë e konspiracionit se votimi me postë shkakton mashtrim".

Në zgjedhjet presidenciale të SHBA 2016, gati një e katërta e votave u hodhën me postë, dhe ky numër pritet të rritet këtë raund për shkak të shqetësimeve të shëndetit publik për koronavirusin.

Shkalla e mashtrimit të zgjedhjeve në përgjithësi në ShBA është midis 0.00004% dhe 0.0009%, sipas një studimi të vitit 2017 nga Brennan Center for Justice.

Të fundit