Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zgjedhjet parlamentare në Mal të Zi, Basha thirrje qytetarëve: Votoni masivisht partitë shqiptare

Politiko 26 Gusht 2020, 15:29
Zgjedhjet parlamentare në Mal të Zi, Basha thirrje qytetarëve:

Më 30 gusht, pritet që në Mal të Zi të mbahen zgjedhjet parlamentare.

Ndërkohë, kreu i Partisë Demokratike, Lulzim Basha, u ka bërë thirrje të gjithë shqiptarëve të Malit të Zi të marrin pjesë masivisht në zgjedhje, për të siguruar mbrojtjen e të drejtave dhe interesave të tyre.

Nëpërmjet një postimi në Facebook, Basha thekson se përmes votës së tyre për partitë shqiptare, ata mund të garantojnë një të ardhme më të mirë për fëmijët e tyre.

Më tej kryedemokrati shton se forcimi i përfaqësimit të partive shqiptare në parlament, është një kontribut i shtuar për paqen dhe stabilitetin në vend dhe për integrimin europian të vendit dhe mbarë rajonit.

Mesazhi i Bashës:

Ju bëj thirrje bashkëkombësve tanë në Mal të Zi që të dalin masivisht në zgjedhjet parlamentare të 30 gushtit dhe të votojnë listat shqiptare.

Të dashur motra dhe vëllezër, nëpërmjet votës tuaj për partitë shqiptare, ju mund të siguroni mbrojtjen e të drejtave dhe interesave tuaja dhe të garantoni një të ardhme më të mirë për fëmijët tuaj.

Ne krenohemi me faktin që shqiptarët në Mal të Zi kanë luajtur rol kyç në arritjen e pavarësisë së Malit të Zi dhe në përmbushjen e aspiratës së anëtarësimit në NATO. Jam i bindur që faktori politik shqiptar do të vazhdojë që në mënyrë konstruktive të japë kontribut të çmuar në përshpejtimin e integrimit europian të Malit të Zi.

Forcimi i përfaqësimit të partive shqiptare në parlament, është një kontribut i shtuar për paqen dhe stabilitetin në vend, për garantimin e të drejtave të shqiptarëve në Mal të Zi dhe për integrimin europian të vendit dhe mbarë rajonit.

Të fundit