Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zgjidhet kreu i Këshillit të Qarkut në Shkodër, Voltana Ademi s’ftohet në mbledhje

Politiko 8 Tetor 2019, 13:39
Zgjidhet kreu i Këshillit të Qarkut në Shkodër, Voltana

Është konstituuar Këshilli i Qarkut të Shkodrës dhe u zgjodh kreu i saj i ri, Hilmi Lakti.

Ai u votua si propozim i vetëm dhe mori vota pro dhe një kundër.

Të pranishëm ishin krerët e bashkive të qarkut Shkodër, por mungonte kryetarja Voltana Ademi.

Sipas ‘Ora News’, Ademi nuk ka qenë e pranishme në mbledhje pasi nuk ka marrë asnjë njoftim për pjesëmarrje.

Reagimi i PD, dega Shkodër  

Pas konstituimit të Këshillit të Qarkut të Shkodrës, vjen reagimi i degës së PD në Shkodër.

PD e ka cilësuar mbledhjen nul dhe zgjedhja e kryetarit ilegjitime.

“Edi Rama tregoi edhe njëherë sot se maraku i tij i vetëm është marrja e çdo pushteti, pavarësisht vullnetit të qytetarëve.

I refuzuar nga shumica dërrmuese e qytetarëve të Shkodrës, i braktisur edhe nga vetë socialistët e ndershëm të Shkodrës, Edi Rama vendosi sot konstituimin e Këshillit Monist të Qarkut të Shkodrës, në shkelje të plotë të ligjit dhe duke injoruar vullnetin e shkodranëve.

Njëlloj si në kohën e baballarëve të tyre, në mbledhjen nul të Këshillit të Qarkut të Shkodrës u votua me 99% të votave Kryetari klloun dhe ilegjitim i këtij Këshilli.

Edi Rama dhe kriminelët e tij në Shkodër tentuan sot përdhosin mesazhin e qartë të shumicës dërrmuese të shkodranëve dhe për këtë qytetarët e Qarkut Shkodër do dijnë të reagojnë si gjithmonë, me vendosmëri dhe qytetari.

Këshilli i Qarkut është ilegjitim dhe nuk përfaqësojnë interesin e qytetarëve. Këshilli i Qarkut dhe Këshillat Bshkiak monopartiak, përfaqësojnë vetëm interesat e Edi Ramës, Tom Doshit dhe të ngjashmëve të tyre.

Partia Demokratike është në anën e qytetarëve dhe do të përfaqësojë interesin e tyre. Me vendosmëri dhe përkrah qytetarëve, ne do të bëjmë gjithçka dhe me çdo kosto, që pushtuesit e rinj të institucioneve dhe krimi që po uzurpon Shkodrën, të largohet shumë shpejtë dhe institucionet t’i kthehen qytetarëve. Trafikantët, të korruptuarit, hajdutët e pasurisë dhe votave të shqiptarëve do të largohen. Me rivendosjen e rendit kushtetues dhe shtetit të së drejtës në Shqipëri, vendi i tyre do të jetë aty ku e ka çdo kriminel, në burg.

Shkodra dhe Shqipëria shumë shpejtë do të bëhet si gjithë Europa. Edi Rama, Tom Doshi dhe hajdutët e tjerë nuk mund të marrin peng të ardhmen e fëmijëve tanë”, reagon PD.

Të fundit