Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zgjidhja e krizës/ Nazarko: Opozita i ndali protestat në interes të vendit, ka sinjale për zgjedhje të parakohëshme

Politiko 31 Tetor 2019, 18:45

Zgjidhja e krizës/ Nazarko: Opozita i ndali protestat në interes

Analisti Mentor Nazarko tha se opozita mbajti një qëndrim konstruktiv në interes të vendit, duke ndalur protestat deri më 18 tetor, ditë kur do të jepet vendimi për çeljen ose jo të negociatave për anëtarsim në BE.

Gjatë intervistës së tij në rubrikën ‘Opinion’ në Neës 24 ku ishte i ftuar, Nazarko u shpreh se qëndrimi i opozitës erdhi si shkak i frymëzimit të brendshëm, por edhe presionit nga ana e SHBA-ve.

“18 tetori ishte një datë, një afat në të cilën Shqipëria, sjellja e saj, institucionet e saj, opozita e saj, do të shqyrtoheshin me precedencë nga BE-ja. Për këtë arsye, mendoj që opozita ka mbajtur një qëndrim konstruktiv, pozitiv, në shërbim të interesit të vendit, në të mirë të Shqipërisë. Për këtë janë investuar edhe miqtë e Shqipërisë, ShBA-të që folën përmes Palmer, teksa ky i fundit tha se dy prioritetet e tij ishin integrimi i Shqipërisë dhe Maqedonisë së Veriut, si dhe dialogu Kosovë-Serbi.

Me presionin amerikan, me frymëzim të brendshëm pozitivist, opozita mbajti këtë qasje, që ndaloi protestat. Franca la të kuptojë se do shikojë procesin e afrimit të vendeve aspirantë me BE. Imagjinoj se Franca duhet të bëjë të qartë skenarin e saj, procedurën si e imagjinon ajo, në javët e ardhshme, çka do të thotë se ato faktorë që penguan opozitën që të jetë agresive dhe me protesta, duhen të sugjerojnë një periudhë pritjeje”, u shpreh Nazarko.

Ndërsa për zgjedhjet e parakohshme analisti tha se mënyra se si mund t’i afrohemi atyre është e paqartë, pasi sipas tij, duhet përfunduar reforma zgjedhore.

Në lidhje me këtë, Nazarko deklaroi se shihen disa sinjale që mund të ketë një pajtim mes palëve, gjë e cila, sipas tij, mund të çojë edhe në zgjedhje të parakohshme.

“Faktori i dytë është paqartësia që ekziston në mënyrën se si do iu afrohemi zgjedhjeve të parakohshme, edhe nëse palët bien dakord. Që të bëhen këto zgjedhje do duhet të kemi Reformë Zgjedhore. Rekomandimet e OSBE mbi këtë reformë do duhet të miratohen në Kuvend, por që opozita nuk është e pranishme institucionalisht. Kjo e rrit misterin se çfarë po ndodh me zhvillimet e nëntokës, që nuk janë publike. Kjo duket dhe në faktin se kush e udhëheq opozitën parlamentare, zonja Hajdari apo dikush tjetër, apo sinjale tjera, si psh. Z. Duma dhe z. Basha për problemin me modelin, listë të hapur me të mbyllur.

Pra, duket sikur ka një sinjal, sigurisht që një perspektivë e qartë për integrimin, dmth një datë, do t’i përshpejtojë zhvillimet e brendshme në kahje pajtuese, që mund të çojë dhe në zgjedhje të parakohshme”, tha Nazarko.