Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Zheji mezi pret 30 qershorin: Jepi Edi, shfrytëzo dhuratën e disa ndërkombëtarëve

Politiko 24 Qershor 2019, 20:45

Zheji mezi pret 30 qershorin: Jepi Edi, shfrytëzo dhuratën e disa

Analisti Artur Zheji ka publikuar një analizë me titull: 30 Qershor? “Të gjitha pushtetet sovjetëve…”, ku e krahason kryeministrin Edi Rama me Leninin.

Zheji thotë me tej se Rama ka marrë përsipër një super sfidë, mbështetur edhe nga disa ndërkombëtarë ‘dukshëm e të padukshëm në Shqipëri’, duke zhdukur nga 'faqja e dheut' opoziten.

“Them që ditën e Zgjedhjeve me 30, mos harro altoparlantët me këngë partizane dhe me këngë ndërtimtare buçitëse si dikur 29 vite më parë, se na kujton rininë dhe jetën tonë të bukur socialiste që kemi humbur…

Jepi Edo, merrja këngës edhe ti: “Ti Shqipëri s’ke pleqëri, ohej!” apo “Le të buçasë jehona dhe le të tunden malet tona!”…”, përfundon Zheji.

Analiza e plotë:

Votohet me 30 Qershor. Kqz, një institucion, që nuk ka të ngjashëm në Perëndim, krejtësisht një sajesë politike, bëri sikur rrëzoi Dekretin e Presidentit Meta. Do shkohet pra në votime farsë dhe BD-ja e Astrit Patozit, që ka kritike veç për Bashën, asgjë që mbahet mend për qeverinë, mund të bëhet, ose më saktë mund të shpallet, me vendim kryeministror, partia e dytë në Shqipëri. Shumëkush e kupton se çpo ngjet në të vërtetë, disa ndërkombëtarë, të dukshëm dhe të padukshëm, janë aksionerë të mirëfilltë, në politikën e qeverisë Rama2.

Dikur Lenini në Tetor, në kohën e Revolucionit të madh sovjetik të vitit 1917, në ish Rusinë Cariste, shpalli nismën “historike”: Të gjithë pushtetin Sovjetëve!

Domethënë, të gjitha pushtetet bolshevikëve, duke shpallur kështu, fundin e çdo pluralizmi në ish Rusinë cariste dhe krijimin e Diktaturës së parë të Kuqe në botë. Bashkimin Sovjetik, një shtet komunist, me një parti udhëheqëse që u kushtoi rusëve 7-8 milionë njerëz të vrarë, të internuar apo të zhdukur. Ky eksperiment u bë edhe në Shqipëri në vitin 1946, 29 vite pas Revolucionit të Tetorit. Dhe kjo diktaturë mbijetoi deri në vitin 1991, duke prodhuar një mjerim të madh te shqiptarët.

Tani, po shkojmë aty ku ishim. Të gjitha pushtetet Partisë Socialiste!

Le të fshihet pra, nga faqja e Dheut, vullneti i 500-600-700-800.000-1.000.000, votuesve të Opozitës së Bashkuar, që do të mbeten jo të përfaqësuar, më 30 Qershor 2019.

Kjo është një sfidë e shëndetëshme, një dhuratë e këtij kryeministri dhe e disa ndërkombëtarëve të dukshëm e të padukshëm në Shqipëri.

Personalisht më pëlqen, sepse është një super situatë. “Thanks Edo”, që e theve monotoninë e politikës shqiptare, sepse edhe miku Kujtim Gjuzi, do ta ndrrojë përshtypjen prej “ish peçi”, që kishte pas patur, për ty, në të ritë tu. (“Peç”, në gjuhën e sotme të të rinjve, domethënë “qulls” dhe “çun mami”)“E Kuqja do fitojë!” edhe Shqipëria le të bëhet edhe njëherë e Kuqe si dikur, se vërtet, estetikisht na kish marrë kaq shumë malli… Them që ditën e Zgjedhjeve me 30, mos harro altoparlantët me këngë partizane dhe me këngë ndërtimtare buçitëse si dikur 29 vite më parë, se na kujton rininë dhe jetën tonë të bukur socialiste që kemi humbur…

Jepi Edo, merrja këngës edhe ti: “Ti Shqipëri s’ke pleqëri, ohej!” apo “Le të buçasë jehona dhe le të tunden malet tona!”…