Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zhupa publikon dokumentet: Veliaj i dha 100 milionë lekë një kompanie që nuk paguan tatimet dhe është nën sekuestro

Politiko 22 Korrik 2018, 13:11
Zhupa publikon dokumentet: Veliaj i dha 100 milionë lekë një

Zëdhënësja e Partisë Demokratike, Ina Zhupa, në një dalje për mediat akuzoi kryeartin e bashkisë së Tiranës, Erion Veliaj, se i ka dhënë 100 milionë lekë një kompanie që nuk paguan tatimet dhe për ketë arsye është nën sekuestro. Për këtë, Zhupa publikoi edhe dokumentet e Zyrës Tatimore.

“Ndryshe nga sa propagandon në mediat e vëna plotësisht nën kontroll, Bashkia e Erion Veliajt është një nga institucionet ku korrupsioni është mënyra e vetme që funksionon për punët publike dhe shërbimet e tjera. Tenderi 100 milionësh për veshjet e policëve bashkiakë është një rast flagrant, ku korrupsioni dhe shkelja skandaloze e disa ligjeve bëhet aq hapur, sa çdo qytetar i zakonshëm mund ta kuptojë. Mjafton të shohë dokumentet që po bëjmë publikë. Është fakt se Erion Veliaj i ka dhënë 100 milionë lekë një kompanie që nuk paguan tatimet dhe për ketë arsye është nën sekuestro. Dokumenti nga Zyra e Tatimeve e provon këtë. Aty thuhet se kompania fituese “Vojsava Zenelaj” është me statusin “nën mbledhje me forcë”, çka tregon se kompania nuk ka paguar tatimet dhe duhet të ishte skualifikuar menjëherë!”, deklaroi Zhupa.

Sipas saj, Bashkia e Tiranës ka shkelur disa ligje dhe vendime qeverie.

“Siç tregohet në dokument, kjo kompani duhet të ishte skualifikuar, sepse janë dy ligje dhe dy vendime që ndalojnë shpalljen fitues të kompanive që nuk paguajnë taksa! Është fakt se tenderi për 100 milionët është fiktiv, sepse në të ashtuquajturën garë kanë marrë pjesë vetëm 2 kompani: kjo që ka fituar, “Vojsava Zenelaj” dhe një kompani tjetër “Muça shpk”, që vetëm sa ka futur letrat për fasadë, por nuk ka bërë asnjë ofertë. Është fakt se kompania “Vojsava Zenelaj”, ka të deklaruar vetëm 1 të punësuar, ndërkohë që i duhet të qepë për 1 muaj mbi 4 mijë artikuj. Thënë ndryshe, i vetmi person që ka kompania duhet të qepë në ditë 116 kostume, pantallona, pulovra, këmisha dhe këpucë! Pra, të mos flejë për 35 ditë rresht dhe për çdo orë të qepë të paktën 4 kostume dhe 1 palë këpucë! Vjedhje më të hapur se kjo e  100 milionë lekëve vetëm në Bashkinë e Erion Veliajt mund të gjendet!”, theksoi Zhupa.

Të fundit