Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zhurmat në qendër të Tiranës, deputeti me video në Kuvend: Banorët të detyruar të dëgjojnë tekste ‘të vras, të pres’

Politiko 18 Korrik 2019, 12:39
Zhurmat në qendër të Tiranës, deputeti me video në

Deputeti i opozitës parlamentare, Halit Valteri është shprehur kundër miratimit të ndryshimeve për ashpërsimet në Kodin Penal, pasi sipas tij nuk janë njësoj për të gjithë qytetarët.

Duke marrë shkas nga dënimet për ndotjet akustike, Valteri u ndal te zhurmat me të cilat përballen banorët që jetojnë pranë qendrës së Tiranës.

Ndërsa publikon një video nga tarraca e bashkisë në Tiranë se është vetë shteti ai që e shkel këtë ligj, deputeti ka replikuar edhe me deputetin e PS, Fatmir Xhafaj.

Pjesë nga fjalimi:

Valteri: Kodi penal ka nevojë për ndryshme rrënjësor e jo sipas dëshirave të çmendura nga skizofrenia që ju karakterizon. Nuk ka më turp se kush proteston për bllokim rruge, rrezikon burg. Janë mizore.

Kam një këshillë për ju, kujdes me ëndrrat e dëshirat se mund të bëhen realitet. Nuk janë të rastësishme, që njerëzit të heshtin, pastaj të fshihen nga frika prej jush. Heshtja është kap floriri, jo si ajo e Ilirt. Ju ftoj të mos e miratojmë këtë ligj.

Sa i përket rendit dhe qetësisë publike për ndalimin e zhurmave, jam shumë dakord, por të zbatohet njësoj për të gjithë.

Ndërsa vetë hardalloseni me festa e muzikës, në tarracën e bashkisë së Tiranës më 4 korrik ju festonit edhe pas orës 12 të natës, dhe këtë e tregon edhe sahati i Veliajt.

Ndërhyn Fatmir Xhafaj nga vendi

Valteri : Është festa e SHBA, dakord, ju bëni të gjitha bashkë dhe e shkelni ligjin me të dyja këmbët. Qytetarët që jetojnë pranë qendrës së Tiranës përballen vazhdimisht me këtë problem, madje këngëtarët kanë edhe tekste që një në dy fjalë janë : të vras, të pres...

Ndërhyn sërish Fatmir Xhafaj nga vendi

Valteri: Fatmir mund të dalësh të replikosh, të lutem mos fol nga vendi. Pra, ligjet nuk bëhen vetëm për vilat te Kodrat e Diellit, se atje nuk performojnë këngëtarë hip- hopi e tallavaje.

Të fundit