Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zjarri tek çerdhja, PD: Erion Veliaj urdhëroi zhdukjen e çdo gjurme, Top Channel censuroi pamjet

Politiko 17 Gusht 2018, 12:01

Zjarri tek çerdhja, PD: Erion Veliaj urdhëroi zhdukjen e çdo

Partia Demokratike reagoi sa i takon zjarrit të rënë ditën e djeshme në çerdhen numër 14 në zonën e ‘Ali Demit’ në Tiranë. Deputeti Gent Strazimiri akuzoi kryebashkiakun Erion Veliaj se u mundua ta fshehë ngjarjen.

“Erion Veliaj vazhdon të heshtë për ngjarjen e tmerrshme në çerdhen 51 të Tiranës, ku shpërthimi i fuqishëm, fatmirësisht, ndodhi në një orë kur çerdhet janë të zbrazura.

Njësoj siç veproi për të fshehur dhe pastaj për të mbuluar krimin e vrasjes së 16 vjeçarit Ardit Gjoklaj tek plehrat e Sharrës, Erion Veliaj ka urdhëruar zhdukjen e çdo gjurme të përgjegjësisë kriminale të Bashkisë së Tiranës për shpërthimin shkatërrues nga një bombol gazi, në çerdhen 51 në Ali Dem”, u shpreh Strazimiri.

Më tej, deputeti demokrat shprehu kritika edhe për Top Channel që sipas tij censuroi pamjet nga vendngjarja teksa theksoi se dëshmitë e gazetarëve tregojnë se shpërthimi ishte brenda godinës së çerdhes.

“Erion Veliaj është angazhuar personalisht të gënjejë dhe mashtrojë çdo njeri publik që flet për ngjarjen, duke u thënë se shpërthimi ishte në një godinë jashtë çerdhes dhe pa lidhje me të.

Erion Veliaj urdhëroi vartësit të gënjenin prindërit e alarmuar duke u thënë se çerdhja nuk përdorte gaz.

Pamjet televizive të ekraneve që nuk e çensuruan ngjarjen, siç e çensuroi Top Channel, dhe dëshmitë e gazetarëve nga vendngjarja provojnë mashtrimin kriminal të Erion Veliajt. Tregojnë se shpërthimi është brenda çerdhes dhe se prindërit dëshmonin për erën e fortë të gazit”, tha Strazimiri.

Deputeti i PD-së tha se një kryebashkiak i përgjegjshëm do të kishte sqaruar rrethanat e ngjarjes teksa shtoi se Tirana drejtohet nga një mashtrues dhe hajdut që, sipas Strazimirit, bën gjithçka për të fshehur krimet e tij.

“Një kryebashkiak i përgjegjshëm, që nuk i përdor fëmijët për fasadë dhe propagandë, do të kishte sqaruar publikisht rrethanat që, vec për hatër të Zotit nuk sollën një tragjedi, si dhe do të kishte marrë masa urgjente për të verifikuar gjendjen e të gjitha çerdheve dhe kopshteve në Tiranë!

Realiteti është se Tirana drejtohet nga një mashtrues dhe hajdut që bën gjithçka për të fshehur krimet e tij.

Nëse Prokuroria do të ishte në krye të detyrës dhe jo nën kontrollin e qeverisë, Erjon Veliaj do të ishte në burg si përgjegjës për manipulimin dhe fshehjen e provave, ose e thenë me terma teknike ‘pr pengim të drejtesise’, të së vërtetës! Çështja është se “drejtesia” nuk po e kërkon TE VERTETEN!”, përfundoi Gent Strazimiri.