Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“60 mijë dollarë për një kontratë lobimi në SHBA”, reagon Basha: Qeveria pagoi 720 mijë euro për lobim kundër opozitës

Politiko 22 Prill 2020, 07:26

“60 mijë dollarë për një kontratë lobimi në

Kreu i Partisë Demokratike, Lulzim Basha ka reaguar pas akuzave që kreu i Grupit Parlamentar të PS, Taulant Balla, ka publikuar dokumente se PD ka paguar 60 mijë euro për një kontratë lobimi në SHBA, në kushtet kur Shqipëria përballet me vështirësitë nga Covid-19.

Në një intërvistë në emisionin "Open", Basha tha se bëhet fjalë për një kontratë në vazhdim që Partia Demokratike e ka prej 2 vjetësh, me një pagesë prej 10 mijë dollarësh në muaj.

“E para, nuk bëhet fjalë për asgjë të re. Kjo është kontratë në vazhdim që Partia Demokratike e ka prej 2 vjetësh, një pagesë prej 10 mijë dollarësh në muaj, qëllimi i së cilës, siç dallohet qartë në dokumentet e publikuar, sepse janë transparente në Departamentin Amerikan të Shtetit, ka qenë pikërisht për të luftuar krimin dhe korrupsionin, për të marrë ndihmën e Shteteve të Bashkuara të Amerikës në luftë kundër krimit dhe korrupsionit. Ajo që është vërtetuar është që, falë bashkëpunimit me autoritetet amerikane, për fat të keq për Shqipërinë, në raportet Departamentit të Shtetit dhe raportet e tjera të luftës kundër krimit, drogës dhe korrupsionit, kanë treguar se Shqipëria po zhytet thellë e më thellë në një regjim autokratik me probleme të thella korrupsioni dhe krimi. Pra kjo është një kontratë transparente që ekziston prej shumë kohësh dhe që rinovohet në mënyrë periodike. Nuk përbën asnjë lajm. Atëherë pyetja është: pse e nxori sot Taulant Balla?!

Për një arsye shumë të thjeshtë. Qëllimi i këtij bashkëpunimi, sapo ju shpjegova, është pikërisht kërkimi i ndihmës së Shteteve të Bashkuara të Amerikës për të mbështetur Shqipërinë në luftë kundër krimit të organizuar, trafikut të drogës dhe korrupsionit si dhe për të bërë të mundur që Shqipëria të përfitojë sa të jetë e mundur nga ndihma e institucioneve dhe ndihma financiare e SHBA në këto fusha dhe pastaj në përmirësimin e kësaj situate edhe në fusha të tjera që kanë të bëjnë me investimet ekonomike dhe me programet e ndërsjellta që ndihmojnë në marrëdhëniet mes dy vendeve. Edhe njëherë: është një kontratë që vazhdon të paktën prej 2 vitesh. Pra këtu nuk ka asgjë të re. Pyetja që shtrohet është: pse u kujtua sot Taulant Balla të nxjerrë një dokument transparent që është botuar dhe botohet në mënyrë periodike nga Departamenti i Shtetit? Cila është arsyeja? Pse sot?Sepse sot është denoncuar edhe njëherë tenderi për kitet. Sepse nuk duan të përgjigjen për tenderët sekretë që kanë bërë për shëndetësinë, ndërkohë që po sot media ka denoncuar diçka tjetër: një kontratë me një VKM sekrete të qeverisë për 720 mijë euro apo 900 mijë dollarë të taksapaguesve shqiptarë që qeveria i ka marrë për lobim.

Tani, këto janë paratë e qeverisë që i përdor Partia Socialiste për të lobuar kundër kundërshtarëve politikë, kundër opozitës. Pra edhe njëherë, në këtë kontratë nuk ka asgjë të re. Është një kontratë që ekziston prej dy vjetësh, rinovohet në mënyrë periodike. Qëllimi është ndihma amerikane për të luftuar trafikun e drogës, krimin e organizuar dhe penetrimin e krimit dhe korrupsionit në qeveri dhe në organet e shtetit”, tha Basha.

I pyetur se zotit Balla deklaronte se kompania është e njëjta që lobon për Maduron e Venezuelës, Basha u përgjigj: “Po kompania që ka marrë qeveria dhe që e paguan me lekët e shqiptarëve për të lobuar kundër opozitës që ka Nursulltanin, çfarë domethënë kjo?! Kompanitë marrin klientët që marrin. Është fare normale që partitë politike të bëjnë aktivitet lobimi. Dy gjëra ama; nuk duhet të përdorë paratë e shtetit dhe Partia Socialiste ka përdorur pushtetin, 720 mijë euro për kontratën e publikuar sot nga media dhe nuk mund ta bëjnë për të luftuar opozitën. Në qoftë se doni lajm, ky është lajmi. Ndërsa në kontratën e Partisë Demokratike gjithçka është transparente, nuk është diçka e re, ka 2 vjet kjo kontratë dhe është e publikuar në faqen zyrtare të Departamentit të Shtetit. Nuk përbën absolutisht asnjë lajm. Qëllimi është për të ndihmuar Shqipërinë, për të ndihmuar shqiptarët pikërisht që të mos ndodhin këto gjëra. Që të mos klasifikohen sekret kontratat e shëndetësisë e të vidhet me një dorë mjaftueshëm para për të paguar siç ju thashë 9 mijë pensione në qytet apo për të paguar 16 mijë pensione në fshat dhe kjo sigurisht i shqetëson ata që janë të përfshirë në korrupsion”.