Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Akuzat për 3.5 milionë eurot, gazetarja Lala: ‘Krimet e Rënda’ të marrin në pyetje Bashën dhe Ballën

Politiko 26 Qershor 2018, 10:13
Akuzat për 3.5 milionë eurot, gazetarja Lala: ‘Krimet e

Gazetarja Klodiana Lala deklaron se pasi Prokuroria e Krimeve të Rënda të marrë në shqyrtim dosjen e sekuestrimit të 3.5 milionë eurove në një ‘Toyota Yaris’ në Portin e Durrësit, duhet të marrë në pyetje kryeopozitarin Lulzim Basha dhe kreun e Grupit Parlamentar të PS, Taulant Balla.

Lala tha në emisionin ‘Opinion’ se Basha dhe Balla duhet të pyeten edhe për akuzat që kanë shkëmbyer me njëri-tjetrin.

“Besoj se kjo çështje do të kalojë shumë shpejt te ‘Krimet e Rënda’ dhe për t’i hequr merakun të gjithë opinionit publik, do duhej që ‘Krimet e Rënda’, gjëja e parë që duhet të bëjnë, duhet të marrin në pyetje zotin Basha dhe më pas Taulant Ballën, sepse janë dy njerëz që duhet të japin shpjegime për të gjitha akuzat karshi njëri-tjetrit”, tha Lala.

Ishte kreu i PD-së që denoncoi të enjten kapjen e milionave euro brenda këtij automjeti, ndërsa ngjarja u bë publike të dielën. Basha akuzoi në seancën plenare socialistin Balla, akuza që kanë vijuar përgjatë dy ditëve të fundit, ndërkohë që kreu i grupit të PS akuzon demokratin  për dekonspirim të aksionit të policisë.

Milionat në ‘Toyota Yaris’, Klodiana Lala: Mund t’i përkasin një kompanie bastesh; ja pse nuk kishte prerje 500 euroshe

Të fundit