Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Balla u shqetësua për vakuumet vendore, si e argumentoi Meta se ç’ndodh me bashkitë pas shtyrjes së zgjedhjeve

Politiko 17 Qershor 2019, 10:49

Balla u shqetësua për vakuumet vendore, si e argumentoi Meta se

Kreu i Grupit Parlamentar të PS, Taulant Balla në një dalje për mediat, ndërsa e konsideroi antikushtetues shfuqizimin e dekretit të presidentit për zgjedhjet vendore të 30 qershorit, u ndal edhe të pasojat sipas tij mbi funksionalitetin e përfaqësuesve të pushtetit vendor.

Sipas Ballës, me këtë dekret, presidenti ka zgjatur mandatet e përfaqësuesve të pushtetit vendor në kundërshtim me parimin kushtetues me periodicitetit të zgjedhjeve.

“Anulimi i 30 qershorit dhe moscaktimi i një date tjerë mohon të drejtën e sovranit, është një hap që zhbën autoritetin sovran. Me anulimin e zgjedhjeve presidenti po vepron përtej kompetencave të tij përmes kushtetutës. Vlerësojmë se Presidenti ka marrë tagrat autoritetit sovran. Me dekret ka zgjatur mandatin e organeve të qeverisjes vendore, në kundërshtim me parimin kushtetues me periodicitetit të zgjedhjeve.

Këtë atribut e ka vetëm sovrani, në kundërshtim flagrant me Kushtetutën. Mandati i vendorëve është 4-vjecar. Ka marrë atributet e Kuvendit. Autoriteti i vetëm për ndërhyrje të tilla është vetëm nga trupa legjislative. Nëse kalohen afatet e vendorëve, kemi të bëjmë me një shtet që nuk qeveriset, qoftë edhe një ditë më shumë përtej mandatit, humbin konceptin e qeverisësit, kthehen në pushtete autoritare.

Në këtë kuptim, dekreti cenon rendin kushtetues, parimi i kushtetutshmërisë dhe ligjshmërisë. Kushtetuta njeh shtyrje mandati për funksionet administrative”, tha Balla.

Por, në këtë pikë u ndal gjatë edhe presidenti Meta, ditën kur firmosi zhdekretimin e 30 qershorit.

Meta sqaroi në fjalimin e tij se sipas nenin 60, pika 4 e ligjit nr. 139/2015 “Për vetëqeverisjen vendore”, ushtrimi i detyrës vijon deri në betimin drejtuesit pasardhës, pra duke mos u krijuar asnjë vakum nga njësitë e qeverisjes vendore.

“ Presidenti i Republikës vlerëson të rëndësishëm faktin që, nga mosrealizimi për arsye kushtetuese të zgjedhjeve brenda afatit ligjor, të mos cenohen interesat e qytetarëve shqiptarë.

Ligji nr.139/2015 “Për vetëqeverisjen vendore”, rregullon organizimin dhe funksionimin e njësive të vetëqeverisjes vendore në Republikën e Shqipërisë, si dhe përcakton funksionet, kompetencat, të drejtat dhe detyrat e tyre e të organeve përkatëse. Ndërmjet të tjerave ky ligj parashikon edhe garancinë së qytetarët nuk do të preken në përfitimin e shërbimit ndaj tyre në periudhat tranzitore përgjatë realizimit të proceseve zgjedhore për zgjedhjen e këtyre organeve.

Pikërisht këtë garanci e ofron neni 60, pika 4 e ligjit nr. 139/2015 “Për vetëqeverisjen vendore”, ku parashikon se:

“4. Ushtrimi i mandatit të kryetarit të bashkisë fillon në çastin kur bën betimin dhe përfundon kur bën betimin kryetari pasardhës”. Kjo nënkupton, se qytetarëve shqiptar i sigurohet vazhdimësia në ofrimin e shërbimeve nga njësitë e qeverisjes vendore.

Të njëjtin vullnet ka parashikuar ligjvënësi edhe për funksionimin e Këshillave Bashkiak, në këto momente tranzitore. Konkretisht në nenin 53, pika 1 të ligjit nr. 139/2015 “Për vetëqeverisjen vendore”, parashikohet se; “Këshilli bashkiak ushtron funksionet e tij nga data e konstituimit, sipas nenit 48, të këtij ligji, deri në krijimin e këshillit të ri pasardhës.”

Pra referuar këtyre dy dispozitave rezulton e parashikuar me ligj se, nuk krijohet vakum funksional në organet e qeverisjes vendore aktuale, deri në zgjedhjen dhe fillimin nga funksionimi i të zgjedhurve nga zgjedhjet vendore që pritet të zhvillohen në një datë të mëvonshme”, deklaroi presidenti.