Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
“Bashkohu kundër sistemit”, kush po e organizon peticionin në Tiranë dhe çfarë përmban ‘Karta 2020’
Dy stenda janë ngritur në Tiranë, në urën te ‘Shallvaret’ (në afërsi të ish-Bllokut) dhe në kryqëzimin e 21 dhjetorit, ku qytetarë të ndryshëm janë duke firmosur peticionin ku kërkohet ndryshim i sistemit në Shqipëri.
Me thirrjen “Bashkohu kundër sistemit”, ky aksion po udhëhiqet nga ‘Nisma Thurje’, e cila në faqen e saj në internet përshkruhet si: “një nismë e qytetarëve të lirë, të cilët besojnë se përballë një klase politike të organizuar duhet të vendoset një shoqëri e organizuar.”
Peticioni ka nisur prej ditësh ‘online’, si dhe është publikuar ‘Karta 2020’, e cila “përmban 8 teza se si mund të rimëkëmbet Shqipëria, duke filluar me decentralizimin e pushtetit dhe fuqizimin e qytetarëve në qeverisjen e vendit.”
Shkak për këtë aksion është bërë dështimi i klasës politike për të realizuar ëndrrën “Shqipëria si Evropa”. 30 vite pas rrëzimit të diktaturës komuniste, shqiptarët vijojnë të jenë populli më i varfër i Evropës, me zhvillim ekonomik të ulët dhe emigrim të lartë.
"Megjithëse pjesa më e madhe e publikut e ka humbur besimin tek politika, ne jemi të bindur se vetëm përmes ideve të reja politike, Shqipëria mund të dalë nga kriza ku ka hyrë dhe vendi të futet në rrugën e zhvillimit ekonomik dhe social. Shqiptarët nuk janë të varfër, por të vjedhur. Shqipëria është vendi i dytë në Evropë për nga pasuria natyrore për frymë, por sistemi politik ka bërë që në qytetin më të varfër të Shqipërisë, aty të miturit shfrytëzohen për të mbledhur krom, të pasurohet një prej biznesmenëve më të fuqishëm në vend. Prandaj ne besojmë se përmes tezave të kësaj karte, qytetarët do të fuqizohen për të marr në dorë fatin e tyre”, thuhet në faqen e ‘Nisma Thurje’.
Peticioni ka për qëllim që nëpërmjet 8 tezave të mëposhtme të kërkojë ndryshimin e sistemit në Shqipëri.
- Shtetëzimi i pasurisë natyrore
- Rishpërndarja e pasurisë dhe rivitalizimi i ekonomisë
- Fuqizimi i popullit dhe ushtrimi i sovranitetit në mënyrë direkte
- Decentralizimi i pushtetit dhe fuqizimi i mekanizmave të balancës dhe kontrollit kushtetues
- Demokratizimi i partive politike
- Garantimi i zgjedhjeve te lira dhe te ndershme
- Rikthimi ne traditen e Jurise ne sistemin gjyqësor
- Bashkimi i shqiptareve