Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

KRYESORE

“Bir komunisti; ballist; pula; neofashist”, diskutimet që zhvillohen pas 30 vitesh në Parlamentin e popullit më të varfër të Evropës

Politiko 23 Maj 2019, 12:36
“Bir komunisti; ballist; pula; neofashist”, diskutimet që

30 vite pas rrëzimit të sistemit komunist dhe 74 vite pas përfundimit të Luftës së Dytë Botërore, në Parlamentin e Shqipërisë, “kokat dhe elitat e shqiptarëve” janë përfshirë në diskutime të zjarrta sa i përket rolit të partizanëve dhe ballistëve në atë luftë.

“Shiko si qesh Majko, e ka për nder Majko që ka qenë i biri i një komunisti”, iu drejtua Adriatik Alimadhi, kreu i Ballit Kombëtar, ministrit për Diasporën, Pandeli Majko.

Diskutimet u nxehën për shkak të raportit të Institutit për Studimin e Krimeve dhe Pasojave të Komunizmit, të lexuar nga kryetari Agron Tufa.

Deputeti i PS, Spartak Braho u tregua edhe më i ashpër në deklarata duke përdorur terma si “neofashist”, “hileqarë ballistë”, etj. Me gjuhë po të ashpër replikoi Alimadhi, duke konsideruar kolegun e tij “budalla që nuk di asgjë për historinë.”

Diskutimet u pasuan me pasardhës të të persekutuarve dhe të dënuarve të regjimit të komunist, të cilët ankohen, me të drejtë por pa efekt, në foltoren e Parlamentit për pasuritë e sekuestruara dekada më parë.

30 vite pasi shqiptarët menduan se u ndanë me regjimin më kriminal në botë, diskutimet e sotme në Parlament tregojnë se vendi ka mbetur në vend-numëro. Ndërkohë që kolegët e tyre në Evropë diskutojnë për tema si inteligjenca artificiale, ndryshimet klimaterike, siguria kibernetike, nevojën për uljen e pabarazisë dhe rritjen e mirëqenies për qytetarët e tyre të pasur, deputetët e Parlamentit të Shqipërisë, popullit më të varfër në Evropë, vijojnë të tregojnë se sa artificiale është inteligjenca e tyre me të cilën kërkojnë të çojnë përpara popullin që ka nivelin më të ulët të mirëqenies, ekonomisë, arsimit dhe shëndetësisë në kontinent.

Të fundit