Donald Trump në fokus, çfarë po ndodh brenda gjykatës në Manhatan

Teksa të gjithë jemi gjithë sy e vesh nga ish-presidenti amerikan Donald Trump, avokatja mbrojtëse Julie Rendelman ka përshkruar atë që po ndodh brenda Gjykatës në Manhatan.

Ajo thotë se zyrtarët, shërbimi sekret dhe oficerët e informatorëve të ligjit do të “sigurohen që gjithçka të jetë e sigurt.

“Njerëzit nuk do të jenë në gjendje t’i dërgojnë elektronike gjërat jashtë sallës së gjyqit askujt. Më vonë do të deklarohet prokurori që po trajton çështjen. Dhe më pas do të shihni Donald Trump dhe sigurimin e tij, më pas ata do të fillojnë gjykimin”- tha ajo për CNN.

Ish-presidenti i Amerikës, Donald Trump, ka mbërritur në gjykatë pak minuta më parë. Por, nëse për një pjesë të mirë të opinionit publik ishte e papritur, vetë Trump ishte në dijeni të kësaj situate.

Kjo u vu re në përshëndetjen me grusht përballë kamerave, si për të përforcuar atë çka iu tha më herët mbështetësve të tij përmes emailit zyrtar “ne sot vajtojmë për humbjen e drejtësisë në Amerikë”.

Si dhe postimi në rrjetet sociale rrugës për në gjykatë: “Uau, ata do të më arrestojnë”.

Ish presidenti pritet të njihet sot me akuzat që kanë të bëjnë me mosdeklarimin e pagesës prej 130 mijë $ të bërë në vitin 2016 për aktoren e filmave për të rritur Stormy Daniels, në këmbim të aferës seksuale që dyshohet se ka pasur me të në 2006-ën.

Këtë mëngjes, ai kritikoi procesin, vendin se ku po zhvillohet gjyqi, pasi kërkoi që të mbahet në  Staten Island dhe jo një Nju Jork!

Ka pasur kritika dhe për kryetarin e trupit gjykues, duke thënë se është një "ditë tragjike për Republikën tonë".

Donald Trump ka shprehur dëshirën për të qenë në garë për presidencën në vitin 2024 dhe edhe në rast se do të dënohet, nuk e pengon atë që të kandidojë.