Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Bota

Çështje ligjore kundër AstraZeneca-s? BE hedh poshtë pretendimet

Politiko 23 Prill 2021, 09:41
Çështje ligjore kundër AstraZeneca-s? BE hedh poshtë
Foto ilustruese

Brukseli ka hedhur poshtë pretendimet se ka filluar veprime ligjore kundër AstraZeneca-s për vonesat e dozave të vaksinave. Ministri i shëndetësisë i Irlandës tha dje se një "çështje ligjore është iniciuar nga Komisioni".

Stephen Donnelly i tha parlamentit të Irlandës se vendi ishte bashkuar "si një nga palët në atë çështje ligjore", duke shtuar se çështja po ndiqej "posaçërisht rreth dështimit të plotë të AstraZeneca-s për të përmbushur marrëveshjet e dorëzimit dhe kontratës për prill, maj dhe qershor".

Por në një deklaratë dërguar Euronews, zëdhënësi i Komisionit Evropian Eric Mamer tha se "nuk ka filluar një procedurë ligjore kundër AstraZenecas".

Një zëdhënës i dytë i Komisionit Evropian përsëriti se nuk ishte ndërmarrë asnjë veprim ligjor. Kjo vjen, ndërsa media të shumta raportuan se një rast i tillë po ndiqej, duke cituar burime.

AstraZeneca ishte zotuar të furnizonte me 180 milionë doza BE-në, në tremujorin e dytë të këtij viti por është përballur me vonesa të shumta të dërgesave. Zyrtarët e BE-së kanë akuzuar kompaninë se nuk ka përmbushur zotimin e saj.

Muajin e kaluar, Presidentja e Komisionit Evropian Ursula von der Leyen akuzoi AstraZeneca për "nën-prodhim". Në atë kohë, ajo kishte thënë se Bashkimi Evropian po priste të merrte 70 milionë doza vaksinash, shumë më pak sesa pritej.

Si rezultat, ajo tha: "Kjo me dhimbje, natyrisht, uli shpejtësinë e fushatës së vaksinimit." Rregullatori i Evropës ka thënë që mpiksjet e gjakut duhet të konsiderohen si një efekt anësor "shumë i rrallë".

Por javën e kaluar, Danimarka u bë vendi i parë në Evropë që hoqi këtë vaksinë nga programi i saj. Gjatë vërejtjeve të tij të Enjten, Donnelly tha se duke pasur parasysh informacionin aktual të disponueshëm, ai nuk do të hezitonte ta merrte vaksinën AstraZeneca vetë nëse i jepej mundësia.

Burimi: Euronews

Të fundit