Flash News

Makina përplas turmën në Mynih, 28 të plagosur, mes tyre edhe fëmijë

Berisha: Do t’i votojmë ndryshimet e Kodit Zgjedhor, Rama konstatoi se vota e diasporës është kundër tij

Plagoset me thikë një nxënës në një shkollë të Matit

Berisha denoncon: Rama e ka dërguar Veliajn në qeli në Durrës që t’i çojë Pojën për t’i mbyllur gojën

Rama viziton sot Veliajn në IEVP Durrës

Bota

Menendez: Paratë e gjetura në shtëpi ishin nga kursimet, jo ryshfet

Politiko 25 Shtator 2023, 20:24

Menendez: Paratë e gjetura në shtëpi ishin nga kursimet, jo

Senatori demokrat nga Nju Xhersi, Bob Menendez thotë se ai do të dalë i pafajshëm në rastin federal lidhur me akuzat për ryshfet dhe do të vazhdojë të jetë "senator i lartë i Nju Xhersit".

Senatori Menendez tha të hënën se paratë e gjetura në shtëpinë e tij ishin nga kursimet e tij personale dhe jo burime ryshfeti. Një aktakuzë ndaj tij, pretendon se zoti Menendez mori para, sasi të mëdha floriri dhe një makinë luksoze në këmbim të përdorimit të postit të tij për të ndikuar në çështje të ndryshme politike.

Mbështetja e Partisë Demokrate për zotin Menendez në shtetin ku ai ka qenë senator për gati pesë dekada ka rënë në mënyrë drastike. Senatori Menendez i ka mohuar akuzat dhe është zotuar se do të luftojë aktpadinë, sipas së cilës ai ka përfituar në mënyrë të paligjshme duke përdorur postin e tij për të ndikuar hetimet penale kundër bashkëpunëtorëve të tij dhe duke vepruar në emër të Egjiptit.

Senatori Menendez mund të dënohet me vite të tëra burgim nëse gjendet fajtor

Ndërsa vetë senatori i mohon me forcë akuzat, ekspertët thonë se akuzat janë serioze dhe dëshmojnë për funksionimin e një sistemi të fortë gjyqësor në Shtetet e Bashkuara. Ndërkaq në shtetin e senatorit, në Nju Xhersi, banorët nuk shprehen të befasuar.

Senatori demokrat nga Nju Xhersi, Bob Menendez, përballet me një sërë akuzash federale, ndër të tjera se mori rryshfet, që përmes ndikimit të tij të përfitonin tre sipërmarrës dhe qeveria e Egjiptit, si dhe ndihmoi për zgjidhjen e problemeve ligjore të bashkëpunëtorëve të bashkëshortes së tij./ VOA

Të fundit