Flash News

Bota

Po heton çështjen e Donald Trump-it, kërcënohet me vdekje prokurori i Manhatanit

Po heton çështjen e Donald Trump-it, kërcënohet me vdekje

Byroja Federale e Hetimit dhe Departamenti i Policisë së Nju Jorkut po hetojnë në lidhje me një kërcënim me vdekje dërguar Prokurorit të Distriktit të Manhatanit, Alvin Bragg.

Atij i është dërguar një zarf me një pluhur të bardhë.

Bragg po heton ish-presidentin Donald Trump në lidhje me një pagesë prej 130 mijë dollarësh që pretendohet se ia dha aktores dhe regjisores së filmave për të rritur, Stormy Daniles në vitin 2016.

Alvin Bragg ka paraqitur prova para një jurie që po shqyrton nëse do ta padisë Trump-in ose jo, me këtë të fundit që është sinjalizuar se mund të përballet me akuza penale për pagesën e parave të heshtura për aktoren Daniels.

Burime brenda policisë treguan se letra i drejtohej prokurorit te Manhatanit Alvin Bragg-it ku shkuhej: “ALVIN: DO TË TË VRAS!, sipas medias amerikane NBC News.

Pas ekspertizës zyra e prokurorit tha se brenda zarfit nuk kishte asnjë substance te rrezikshme.

Autoritetet deklaruan se shenjat në zarf tregonin se letra ishte dërguar me postë nga Orlando, Florida në fillim të kësaj jave. Neë York Times gjithashtu vuri në dukje se, edhe nëse Trump akuzohet, dënimi maksimal është katër vjet burgim.

Trump është kandidati i parë i shpallur për zgjedhjet presidenciale vitin qe vjen bashkë me Nikki Haley, ish-ambasadore e OKB, në garën paraprake republikane.

 

Të fundit