Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Raketat ruse godasin Poloninë, vjen reagimi i NATO-s

Politiko 15 Nëntor 2022, 22:25

Raketat ruse godasin Poloninë, vjen reagimi i NATO-s

Vjen reagimi i parë i NATO-s, pasi raketat ruse vranë dy persona në Poloni, pasi ranë në afërsi të kufirit me Ukrainën.

NATO po shqyrton raportet e humbura të raketave, thotë një zyrtar për CNN.

NATO, anëtare e së cilës është Polonia, po analizon raportet që pretendojnë se shpërthimi që vrau të paktën dy persona pranë kufirit me Ukrainën ishte shkaktuar nga raketat ruse, sipas një zyrtari të aleancës së sigurisë.

"Ne po shqyrtojmë këto raporte dhe po koordinojmë ngushtë me aleatin tonë Poloninë," tha zyrtari i NATO-s.

Po ashtu, raportohet se Këshilli Atlantik i NATO-s do të mblidhet nesër në mëngjes në Bruksel në nivel të ambasadorëve nga vendet aleate, per te bere bilancin e situatës.

Edhe pse origjina e predhave që goditën Poloninë dhe vranë dy persona nuk është konfirmuar, në rast se konfirmohet sulmi rus ndaj Polonisë, NATO përfshin në nenin 5 të Traktatit të Organizatës së Aleancës Atlantike të ashtuquajturin parim të mbrojtjes kolektive.

Ky është një parim unik dhe i përhershëm që bashkon anëtarët e saj dhe vendos një frymë solidariteti në Aleancë.

Neni 5 thotë:

“Palët bien dakord që një sulm i armatosur kundër një ose më shumë prej tyre, i ndodhur në Evropë ose në Amerikën e Veriut, do të konsiderohet si një sulm i drejtuar kundër të gjithëve dhe, për rrjedhojë, bien dakord që nëse një sulm i tillë ndodh, secili prej tyre, në ushtrim të së drejtës së mbrojtjes legjitime individuale ose kolektive, të njohur nga neni 51 i Kartës së Kombeve të Bashkuara, do të ndihmojnë Palën ose Palët e sulmuara, duke miratuar më pas, individualisht dhe në marrëveshje me Palët e tjera, masat që i sheh të arsyeshme, duke përfshirë përdorimin e forcës së armatosur, për të rivendosur dhe ruajtur sigurinë në rajonin e Atlantikut të Veriut”.

 

Të fundit