Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Sebastian Kurz dha dorëheqjen, kush u betua si kancelar i ri i Austrisë

Politiko 11 Tetor 2021, 18:58

Sebastian Kurz dha dorëheqjen, kush u betua si kancelar i ri i

Alexander Schallenberg është betuar si kancelar i ri i Austrisë pas dorëheqjes së Sebastian Kurz mes akuzave për korrupsion.

Ish -ministri i jashtëm u emërua zyrtarisht nga presidenti austriak Alexander Van der Bellen në Pallatin Hofburg në Vjenë të hënën.

Schallenberg, 52 vjeç, ka qenë ministër i Jashtëm i Austrisë që nga viti 2019.

Duke folur të Dielën në mbrëmje, Van der Bellen tha se puna e qeverisë do të vazhdojë pas dorëheqjes së Kurz.

“Puna për vendin tonë do të vazhdojë. Falënderoj Sebastian Kurz. Me lëvizjen e tij, ai e mbajti dëmin larg dhe dha një kontribut të rëndësishëm në integritetin e institucioneve tona që mbrohen, "tha presidenti austriak.    

Kurz dha dorëheqjen të Shtunën pasi prokurorët filluan hetimin e tij dhe anëtarëve të ekipit të ngushtë mbi pretendimet se paratë e qeverisë u përdorën midis 2016 dhe 2018 për të siguruar mbulim pozitiv në media.

Pasi drejtoi dy qeveri gjatë katër viteve të fundit, Kurz tha se ai donte të "parandalonte kaosin" dhe sugjeroi që Schallenberg të merrte në dorë drejtimin e  vendit.

Vendimi i tij për të dhënë dorëheqjen do të thotë se koalicioni qeverisës midis Partisë së tij konservatore të Popullit Austriak (OVP) dhe të Gjelbërve të majtë do të vazhdojë.

Kurz ka mohuar çdo keqbërje, duke thënë se akuzat kundër tij ishin "të rreme". Ai tha se do të vazhdojë si drejtues partie ndërsa kërkon të pastrojë emrin e tij.

Të martën, të Gjelbrit kishin sinjalizuar se do ta rrëzonin Kurz në një mosbesim në parlament nëse ai nuk tërhiqej, pasi koalicioni tashmë është tensionuar disa herë nga skandalet e tjera të korrupsionit dhe dallimet mbi çështje të tilla si politika e refugjatëve.

Ndërkohë, diplomati i karrierës Michael Linhart u bë ministri i ri i jashtëm i Austrisë, sipas agjencisë së lajmeve APA.

Të fundit