Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Bota

Takimi i G20-ës, VOA: Mospajtim për Ukrainën, konsensus për projekte mëdha infrastrukturore

Politiko 9 Shtator 2023, 19:15

Takimi i G20-ës, VOA: Mospajtim për Ukrainën, konsensus për

Në mungesë të një konsensusi për Ukrainën, takimi i 20 vendeve më të pasura të botës u përqëndrua kryesisht tek projektet ekonomike. Presidenti Joe Biden dhe aleatët ranë dakord për një korridor hekurudhor dhe detar që do të lidh Indinë me Lindjen e Mesme dhe Evropën, një projekt ambicioz që synon të nxisë rritjen ekonomike dhe bashkëpunimin politik. Takimi doli me një deklaratë të përbashkët që shmangte dënimin e Rusisë për luftën në Ukrainë, por u bëhej thirrje të gjitha vende, që të mos përdorin forcës për të pushtuar territore. Ashtu sikurse kishte njoftuar presidenti kinez Xi Jinping nuk mori pjesë në takim.

Takimi i nivelit të lartë të 20 vendeve më ekonomitë më të mëdha në botë doli me deklaratë të përbashkët që në ditën e parë të tij.

Konsensusi u pa si një zhvillim i papritur për shkak të ndarjeve të thella mes vendeve lidhur me luftën në Ukrainë.

Në deklaratën e udhëheqëve të G20-ës pranohet se mbi situatën në Ukrainë “ka pasur pikëpamje dhe vlerësime të ndryshme të situatës”, megjithatë ata u pajtuar të thonë se: “…Të gjitha shtetet duhet të shmangin aktet e kërcënimit apo përdorimit të forcës me synim pushtimin e territoritoreve” si dhe e konsideruan "të papranueshëm kërcënimin për përdorimit të armëve bërthamore".


Miratimi i deklaratës i njoftuar nga kryeministri indian, Narendra Modi u prit me duartrokitje, por Kievi, që nuk kishte përfaqësues të vetin në takim, u shpreh tërësisht i pakënaqur. Ministri i Jashtëm, Dmitry Kuleba tha se pjesa e deklaratës për agresionin rus “s’ka asgjë për tu krenuar”.

Mospajtimet mbi luftën në Ukrainë ka bërë që shumica e pjesëmarrësve të merren kryesisht me çështjet ekonomike, sidomos pajtimin për një projekt hekurudhor që lidh Indinë me Lindjen e Mesme dhe Evropën.

Projekti që përfshin Shtetet e Bashkuara, Indinë, Arabinë Saudite, Emiratet e Bashkuara Arabe, Bashkimin Evropian dhe vende të tjera është pjesë e Partneritetit për Investime në Infrastrukturë Globale.

Presidenti Joe Biden i vlerësoi projektet, të cilat sipas njoftimeve evropiane do e bëjë tregtinë në mes të Indisë dhe Evropës për 40% më të shpejtë sesa është tani.


“Ne do të përqëndrohemi te projektet infrastrukturore rajonale që ofrojnë rezultate për shumë vende dhe sektore. SHBA dëshiron të zgjerojë korridoret ekonomike për të rritur investimet e saj”, tha Presidenti amerikan në Nju Delhi.

“Korridori hekurudhor dhe i transportit detar do të mundësojnë tregti më të madhe mes vendeve, duke përfshirë produktet energjetike”, tha kryeministri Modi ndërsa njoftoi për marrëveshjen.

Ky projekt pritet që gjithashtu të jetë një përgjigje më ambicioze ndaj programit masiv të infrastrukturës të Kinës, përmes të cilit ajo ka krijuar lidhje të shumë vendeve me ekonominë e saj. Presidenti kinez, Xi Jinping nuk mori pjesë në takimin e G20-ës. Pyetjes se si po ndikon mungesa e tij në takim, Presidenti amerikan iu përgjigj: “Do të ishte mirë të ishte këtu, por takimi po shkon mirë”.

Që në fillim të takimit të së shtunës, Bashkimi Afrikan u bë anëtar i përhershëm i G20-ës. Ministri i jashtëm indian e cilësoi këtë zhvillim në përputhje me vëmendjen që po i kushtohet trajtimit të shqetësimeve urgjente të pjesën jugore të globit. VOA


 

Të fundit