Video/ Gafa e presidencës turke, von der Leyen mbetet pa karrige në takimin me Erdogan

Shefja e BE Ursula von der Leyen mbeti "e befasuar" pasi mbeti pa karrige gjatë një takimi të nivelit të lartë me Presidentin turk Rexhep Tajip Erdogan.

Pamjet në video tregojnë von der Leyen, presidentja e parë femër e Komisionit Evropian, e detyruar të ulet në një divan aty pranë, ndërsa në takim merrte pjesë edhe Charles Michel, president i Këshillit Evropian.

Michel, ish-kryeministër i Belgjikës, u ul pranë Erdoganit dhe nuk ofroi karrigen e tij, kurse Ursula von der Leyen u detyrua të ulej në divanin e madh të sallës.

Për këtë gabim të qëllimshëm apo jo, reaguan zëdhënësit e Komisionit në Bruksel të cilët thanë se von der Leyen kishte mbetur e habitur nga mungesa e përgatitjeve nga pala turke, që sipas tyre ishte në dijeni të pranisë së saj.

Mes çështjeve që shefja e KE-së kishte në axhendë për diskutim me presidentin turk ishte edhe tërheqja muajin e kaluar e Turqisë nga Konventa e Stambollit kundër dhunës ndaj grave. 

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm