Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

“17 procedura brenda ditës, presion nga Rama për të kaluar VKM-në për inceneratorët? Agaçi: Vendimi në mbledhje normale

Politiko 22 Shkurt 2022, 16:35

“17 procedura brenda ditës, presion nga Rama për të kaluar

Sekretari i Përgjithshëm i Kryeministrisë, Ëngjëll Agaçi po dëshmon në Komisionin Hetimor për Inceneratorët.

Gjatë dëshmisë së tij ai ka mohuar se ka njohje me Klodian Zoton, Mirel Mërtirin dhe Stela Gugallja dhe se Këshilli i Ministrave nuk ka miratuar projekt-aktin për koncesionin në incenetatorin e Elbasanit.

Agaçi po ashtu, ka mohuar presionin nga kryeministri Rama për kalimin e 17 vendimeve brenda një dite për koncesionet. Agaçi ka rrëzuar gjithashtu pretendimet e kryetares së komisionit, Jorida Tabaku se qeveria brenda ditës miratoi 17 procedurat dhe i kaloi për miratim në mbledhjen e qeverisë.

"Kompetencat ligjore të zyrës që përfaqësoj, janë të qarta e nuk jam në gjendje të përgjigjem jashtë kompetencave të mia. Profesor Cani (ish-ministri i Financave) bëri një ekspoze shumë të gjatë të situatës, këto procedura kanë filluar nga mesi ose fundi i korrikut. Kam vetëm një fjali për ta përfunduar, edhe nga dëshmia e prof Canit procedurat kanë filluar në muajin korrik e në momentin e finalizimit nuk do të do të thotë se kanë filluar e kanë mbaruar në nëntor.

Kontrata me financimin e saj, dua të sqaroj KM nuk ka miratuar asnjë procedurë e kontratë, nëse do të parashikohej se kontrata hyn në fuqi mbas vendimit të KM, është pyetje e rregullt, Kontrata ka hyrë në fuqi me nënshkrimin e palëve. Ai vendim është marrë në një mbledhje të zakonshme të KM-së, është fakt publik që çdo ditë të mërkurë KM zhvillon mbledhjen javore. Ka ndodhur edhe siç ka ndodhur edhe vitet e shkuara, e di e kupton, ka edhe ky është një precedent i përsipër ndër vite", tha Agaçi.

“A keni pasur presion nga zot Rama për ta kaluar këtë?”, e pyeti Tabaku.
“E konsideroj të përsëritur këtë pyetje. iu përgjigja dhe do ishte mirë që mos të abuzonit me kohën. Ai vendim është marrë në një mbledhje të zakonshme të Këshillit të Ministrave. është një fakt publik që çdo ditë të mërkurë që Këshilli zhvillon mbledhjen javore. Ndodh, siç ka ndodhur edhe në vitet e shkuara, e di dhe e kupton se ka raste. Ne kemi dhe një vend pune të përbashkët me Kuvendin. Ky sistem të jep mundësinë që qarkullimi i aktit të jetë më i shpejt.

Në momentin ë miratohet një projekt-akt, i gjithë sistemi është i lidhur. Doja të dilja te përgjigja tjetër. Aksesi në këtë sistem e kemi nga 2010-ta deri në vijim.

Nga një kërkim me kampione në vite ju siguroj që ky sistem ka hyrë në fuqi. janë me dhjetra vendime që kanë hyrë he janë miratuar brenda ditës në këshillin e Ministrave. S’ka asgjë të gabuar. kur një akt plotëson kriteret që kërkon ai mund të bëhet pjesë e këshillit të ministrave apo të refuzohet, apo të shtyhet për vendimmarrje të mëvonshme”, tha Agaçi.