Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

"Mallkimi" i autobusëve të kryeqytetit/ Veliaj tenton "të lajë duart”: Fajin e kanë makinat!

Politiko 29 Mars 2023, 16:30

"Mallkimi" i autobusëve të kryeqytetit/ Veliaj tenton

Të gjithë jemi mësuar nga aksidentet që herë pas herë bëjnë autobusët e kryeqytetit. Dikush ka qenë pasagjer, dikush ka qenë në rrugë ose dikush i ka lexuar në lajme aksidentet e shpeshta të linjave urbane.

Mirëpo ndoshta nuk jeni informuar për tezën e re “Fajin për aksidentet nuk e kanë autobusët por makinat”. Të paktën kështu është shprehur kryebashkiaku aktual i Tiranës Erion Veliaj.

Gjatë prezantimit të projektit për Linjën e Shpejtë të Autobusëve, ose ndryshe Bus Rapid Transit (BRT), kryebashkiaku Veliaj ka folur edhe për rastet e fundit të përfshirjes në aksident të autobusëve.

Duke analizuar shkaqet, por dhe faktin e shtimit të numrit të tyre në Tiranë, pothuajse 4-fish krahasuar me më parë, Veliaj tha se në shumicën e tyre aksidentin e ka shkaktuar një makinë dhe jo autobusi.

“Nga 100 autobusë që kishim 8 vjet më parë, sot në Tiranë qarkullojnë 420 autobusë. Vetëm 4-fishimi i flotës së tyre do të thotë se ka më shumë mjete në rrugë. Kur dikush pyet se çfarë po ndodh me aksidentet me autobusë duhet të kuptojë se siç janë shtuar Mercedesët, janë shtuar edhe autobusët. Kur kishim 100 mjete dhe autobusi vinte një herë në 37 minuta, probabiliteti që të kishte aksidente ishte më i vogël. Kur autobusët janë shtuar në numër dhe tani vijnë në stacion çdo 7 minuta, frekuenca që të takosh të ngjashmit, pra mjete të tjera motorike, sigurisht është më e madhe. Kam analizuar 7 aksidentet e fundit dhe në 5 raste ka qenë një makinë, e cila i ka hyrë në brinjë autobusit, pra nga padurimi për të dalë nga kthesa godet autobusin”, tha ai.

Lexo edhe

https://politiko.al/e-tjera/green-line-e-veliajt-thyen-turinjte-perplaset-me-nje-makine-te-unaza-e-r-i477980

Në stacion urbanët janë çdo 7 minuta?! Kjo ndodh kur Veliaj qarkullon me makinë private dhe nuk i di hallet e popullit të cilët ka raste presin dhe 30 minuta në stacion, duke u bërë vonë për shkollë, punë apo dhe për aktivitetet e tyre.

Nga ana tjetër, sa i përket dy rasteve të tjera, Veliaj tha se të dy shoferët janë ndjerë keq për shkaqe shëndetësore. Po ashtu ai gjeti rastin dhe të shfajësonte veten dhe drejtuesin e kompanisë, duke thënë se : Nuk ishte shofer kryetari i Bashkisë, as drejtuesi i kompanisë.

“Në dy rastet e tjera, sipas raportimit të policisë, ishte shoferë të cilët pësuar gjendje të fikëti. Po kur është bërë e paligjshme të sëmuresh? Kur është bërë raca jonë kaq e pandjeshme ndaj një njeriu që pati tension? Kush nga ne është kollosi i Rodosit, që nuk ka asnjë sëmundje, që nuk sëmuret kurrë, që nuk teshtin kurrë, që nuk ka alergji, nuk ka tension? Ky qytet, mbi të gjitha, është një qytet me njerëz dhe thotë ‘ndjesë mor njerëz, pata një kolpo tensioni’. Kur arrihet të provohet se nuk kishte konsumuar as alkool, as nuk po ecte me shpejtësi, por ka këtë problematikë, pse shpërfytyrohemi sa herë vjen fushata dhe shpallim kriminel një njeri që ka hipertension? Pra, në 7 raste, 5 ishin shoferët e makinave fajtorë të shpallur nga policia. Nuk ishte shofer kryetari i Bashkisë, as drejtuesi i kompanisë. Rasti i tjetër, ai i linjës së Krrabës, ishte jashtë orarit të punës dhe nuk po transportonte pasagjerë. Ishte shoferi me fatorinon dhe shokët e tyre. As kishte pirë, as po ecte shpejt”, shpjegoi Veliaj.