Balla: Duket se Basha do rizgjidhet në krye të PD, nuk besoj se s'do pranojë të bashkëpunojë me ne

"Prej sot fillojmë përgatitje për të fituar mandatin e katërt" Kështu ka deklaruar sekretari i P%rgjithshëm i PS-së Taulant Balla teksa, në një komunikim me gazetarët nga selia rozë zbardhi detajet e Kongresit të PS-së, i cili do të mblidhet nesër.

Balla tha se kryedemokrati Lulzim Basha duket se do i fitojë zgjedhjet në PD dhe theksoi se prej shtatorit do të krijohet një dialog i ri politik me opozitën. Lidhur me deklaratat e Bashës se nuk do të ketë bashkëpunim me Ramën, Balla tha se nuk beson se nuk do të pranojë kryedemokrati, pasi e ka provuar rrugën e bojkotit dhe moskomunikimit.

“15 janari i vitit 2022 për të garnatuar se në pranverën  e vitit 2022 e gjithë struktura e PS ti përgjigjet pritshëmrisë së kryetarit Rama dhe të gjithë kolegëve të tjerë që kemi nderin të jemi drejtues rajonalë të PS në përgatitje te zgjedhejve vendore 2023.  Nesër mblidhet organizmi më i rëndësishëm siç është kongresi. Fazë pas faze, do jetë gjithçka, aty do jemi të gjithë .

Nesër ka peshë dhe fjala e zotit Rama. Prej sot fillojmë përgatitjen tonë prej sot për të fituar mandatin e 4.  Një parti politike si e jona hyn në çdo palë zgjedhje për të fituar, fokusi do jetë te programi qeverisës dhe reformat, rishprehja e vullnetit për një frymë të re politike prej shtatorit. Të krijojmë një dialog konstruktiv në dobi ntë interesave të vendit. 2021 është i rëndësishëm, brenda këtij viti do të mbahet konferenca e parë ndërqeveritare. Frymë të re dhe komunikim të ri me opozitën. Ne në shtator duhet që në legjislaturën e re të kuvendit do kemi mundësi  të krijojmë mundësi të reja komunikimi.  Kemi dakordësi me PD, kujtoj disa refoma, edhe Basha mesa duket do rizgjidhet nesër, prapë do të ulemi në tavolinë që ti çojmë para reformat.  Ditën që kur e zgjedh vetë kundërshtarin, atëhere shko diku tjetër. Në këtë fushë institucionale përballë PD është PS dhe grupi parlamentar. Kemi gjithë dëshirën për këto ura komunikimi.

Nëse dëshiron ose jo, këtë rrugë e ka provuar, rrugën e bojkotit, moskomunikimit, mungesën e  dialogut, pas kalimit të etheve të së dielës që lidhen me procesin zgjedhor të PD, mendoj që Basha do e kuptojë që kundërshtari i tij politik jemi ne, por në fund të fundit jemi shqiptarë. Ato që presin shqiptarët është të ngremë një komunikim të ri, në një vit kur Shqipëria ka nisur negociatat për tu anëtarësuar në BE. Besoj në këtë këndvështrim bie ajo që Basha nuk pranon, se besoj që s’do pranojë”, tha Balla.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm