Ditari i Maxhorancës

Debati për mandatin e vettingut, Rama: Opozita nuk do mungojë në apel, korrupsion? Kemi, por jo si 8 vite më parë

Debati për mandatin e vettingut, Rama: Opozita nuk do mungojë në

Në kohën kur organeve të vettingut iu përfundon mandati, maxhorancës i duhet ndihma e opozitës, për të zgjatur afatin e mandatin në mënyrë që të shkojë deri në fund procesi i vettingut të gjyqtarëve.

I pyetur nga VOA, Rama deklaroi se opozita nuk do të mungojë në apel kur të bëhet numërimi i votave,pasi kjo është një procedurë që lidhet me përparimin e vendit dhe përmirësimin e jetës së njerëzve.

“Unë nuk dua të merrem me akuzat, por dëshiroj që të fokusojmë të gjitha forcat dhe energjitë tona tek punët, që lidhen me përparimin e vendit, që lidhen me përmirësimin e jetës së njerëzve. Dhe kjo është një nga këto punë. Natyrisht që ne nuk i kemi votat për të bërë ndryshimin përkatës, por nga ana tjetër kjo është një reformë, e cila nuk është vetëm e jona, por është një reformë që ka patur qysh ditën e parë mbështetës dhe garantë Shtetet e Bashkuara të Amerikës dhe Bashkimin Europian, dhe unë nuk besoj që opozita do të mungojë në apel, kur do të numërohen votat në funksion të kësaj reform,” është shprehur Rama.

Pak kohë më parë një raport i Dhomës Amerikane të Tregtisë, tregonte se në Shqipëri ka rënë ndjeshëm besimi mbi bizneset dhe investitorët. Për VOA, Rama pranon se ka probleme me korrupsionin në qeverisje, por shërbimet aktuale janë përmirësuar ndjeshëm nga ato para 8 viteve.

“Por e vërteta është që as nuk ka krahasim sot me 8 vjet më parë dhe për këtë mjafton t’iu sjell një shembull: Sa e sa e sa shërbime, që deri dje merreshin me radha të gjata kilometrike, me orë të tëra, me zvarritje e varavingo të panumërta, sot merren në pak minuta me një ndërveprim përmes smartfonit dhe kompjuterit me platformën e-Albania. Natyrisht që kjo është pa diskutim një lehtësim pikërisht i barrës së korrupsionit në jetën e qytetarëve. Patjetër që ne kemi ende probleme me korrupsionin dhe prandaj jemi këtu; për të vazhduar që të adresojmë këto probleme me reforma, me modernizim, me sisteme, si sistemet digjitale, të cilat kanë vendosur tanimë një bazë dhe, me ciklin e mbyllur të shërbimeve, do të na mundësojnë që korrupsioni si i gjithëpranishëm në marrëdhëniet qytetar - shtet, kur është fjala për të marrë shërbime, të jetë një histori e të shkuarës,” deklaroi Rama.

 

 

 

Të fundit