'Deliri idiot i madhështisë' së kandidatit socialist për Kukësin: Reklamë në 'Times Square'

Pas skandalit të ish-kryebashkiakut socialist, Safet Gjicit, Kukësi iu rikthye edhe njëherë kutive të votimit.

Ditën e sotme (24 shtator 2023), qytetarët kuksiane iu drejtuan qendrave të votimit, për të zgjedhur midis kandidatit të koalicionit “Bashkë Fitojmë”, Emri Vata dhe socialistit Albert Halilaj.

Teksa procesi i votimit për kreun e ri të Bashkisë së Kukësit ka përfunduar, deri në orën 19:00 kanë votuar 45,63 % të qytetarëve sipas KQZ.

Nëse bëjmë një krahasim me “14 majin”, vihet re një përqindje më e ulët, pasi në ato zgjedhje morën pjesë 52.79% e qytetarëve.

Fushata për zgjedhjet e pjesshme të Kukësit startoi më 11 shtator, por kjo se ka ndalur kandidatin socialist që 2 ditë para votimeve  ‘t’ja bëjë qejfin’ vetes.

Halilaj  është shfaqur në ekranet e qendrës së New York City,Times Square. Mesa duket ai ka pasur mjaftueshëm lekë dhe për fushatën, pasi për t’u shfaqur 15 sekonda në këto ekrane kushton 150 dollar.

Halilaj është kujdesur dhe për fotot padyshim, ku ka përfshirë 6 të tilla.

“Albert Halilaj sapo u shfaq  në qendrën komerciale botërore. Në ekranet gjigante të qendrës së New York City,Times Square. Vetëm fitore! Më I miri I më të mirëve vetëm urime dhe suksese kusho!

Zoti i bekoftë gjithë ata që po të mbështesin! Do doja shumë të isha atje sot dhe po mundohem sa më ska të mos ndihet mungesa ime krah teje,sepse si askush më shumë,ti e meriton të drejtosh Bashkinë e Kukësit,plot dinjitet dhe me besim në Zot!

Suksese kusho!Vetëm Fitore!????Voto Nr.1 ALBERT HALILAJ ????”, shkruan në Fb i afërmi i tij.

Vlen të përmendet që gjatë procesit të votimeve, Partia Demokratike denoncoi në qendrat përkatëse praninë e personave të paautorizuar.

Shefi i Shtabit të kandidatit të Koalicionit Bashkë Fitojmë, Ardian Elezi, denoncoi me foto duke treguar se si drejtorë dhe zyrtare të Partisë Socialiste janë paraqitur pranë qendrave të votimit.

Sipas Elezit, këta persona kanë tentuar të intimidojnë qytetarët që shkoni për të votuar.