Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

“Dëshironte të kalonte një drekë pune me mua”, Rama zbardh bisedën me Macron. Integrimi? Nuk varet nga ne

Politiko 22 Mars 2021, 18:53

“Dëshironte të kalonte një drekë pune me mua”,

Kryeministri Edi Rama ka zbardhur takimin me presidentin e Francës, Emmanuel Macron.

Sipas Ramës, ky takim erdhi me ftesë të presidentit francez për të diskutuar mbi marrëdhëniet bilaterale, ecurinë e programit të agjencisë franceze për zhvillim, e angazhuar në financimin e tre projekteve.

“Ishte një ftesë e Presidentit, me të cilin kishim disa kohë që nuk ishim takuar dhe ai dëshironte të kalonte një drekë pune me mua për të diskutuar mbi marrëdhëniet bilaterale, ecurinë e programit të agjencisë franceze për zhvillim, e cila është angazhuar në financimin e tre projekteve të rëndësishme, ku projekti më i rëndësishëm është investimi për finalizimin e gjithë punës që duhet bërë për të përmbyllur investimet tërësore të bëra në ujësjellësin e qytetit të Durrësit dhe për të garantuar më në fund edhe për Durrësin 24 orë ujë pa ndërprerje, një angazhim që ia kërkova dhe presidenti e mori pas tërmetit.

Po ashtu një financim tjetër i rëndësishëm për sistemin elektro-energjetik, si dhe një tjetër program për gratë dhe vajzat që është një program shumë interesant që do ta zbatojmë së bashku me agjencinë franceze të zhvillimit. Njëkohësisht folëm edhe për investimet e Francës në energji në Shqipëri, ku kompania Voltalia po investon për parkun më të madh fotovoltaik të rajonit, faktikisht në Karavasta dhe po ashtu në një apo dy projekte të tjera me rëndësi.

Kemi folur për planin europian të investimeve për Ballkanin, që është tanimë një plan i investuar dhe ne jemi të angazhuar për të marrë financime për disa projekte të rëndësishme me impakt kombëtar dhe rajonal në transport, infrastrukturë, energji dhe dixhitalizim.

Kemi qëndruar gjerë e gjatë në situatën në rajon, në ecurinë e marrëdhënieve ndërmjet vendeve të rajonit, për procesin e dialogut midis Serbisë dhe Kosovës, për procesin e implementimit të katër lirive të BE-së në kuadrin e Shengenit rajonal dhe për tema të tjera që kanë zënë dhe ato pjesën e tyre të bisedës së gjatë”, u shpreh ndër të tjera kryeministri.

I pyetur lidhur me integrimin e vendit, Rama tha se procesi vazhdon dhe varet nga dinamikat brenda vendeve të BE.

“Është një proces që vazhdon. Unë e kam thënë dhe e përsëris që s’ka asnjë sekret. Është sekreti më i madh publik, nëse mund ta themi, që ne i kemi bërë detyrat tona dhe gjithçka do varet nga situata brenda për brenda Këshillit Europian dhe nga dinamikat brendapërbrenda vendeve të BE-së. Kështu që kjo është një gjë e ditur dhe s’ka nevojë për t’u zgjatur në këtë”, deklaroi Rama.