Flash News

Goditet grupi i shpërndarësve të dr*gës, lëshohen 9 urdhër-arreste

Aksident në rrugën e Unazës, dy persona të plagosur

Shqiptari plagoset rëndë në Greqi, niset me urgjencë drejt Athinës

Punonjësi i policisë ra nga pallati në Tiranë, AMP: Nuk ka pretendime nga efektivi për presion

Gjendet pa shenja jete 36-vjeçari në Durrës, dyshimet e para nga policia

Ditari i Maxhorancës

E denoncoi Politiko para 4 vitesh, EU rindërton urën që po ‘merrte lumi’. Rama e ‘shet’ si rilindje urbane

Politiko 7 Qershor 2023, 16:28

E denoncoi Politiko para 4 vitesh, EU rindërton urën që po

Ura e Kurcajt në Fushë-Krujë, Monument Kulture i Kategorisë I, i është nënshtruar restaurimit, nga programi EU4Culture, financuar nga Bashkimi Evropian dhe zbatuar nga UNOPS në partneritet me Ministrinë e Kulturës.

Kryeministri Edi Rama e ndau lajmin në rrjetet sociale, shoqëruar edhe me një foto nga Ura e Kurcajt, si një destinacion turistik, që sipas tij, s’duhet humbur, ndërsa e ‘servir’ projektin si rilindje urbane.

 “Ura e Kurcajt në Fushë-Krujë, ky thesar i trashëgimisë kulturore mes një peizazhi të mrekullueshëm, i ndërtuar shekuj më parë, tashmë e rilindur, është një destinacion turistik që s’duhet humbur”, shkruan Rama.

E denoncoi Politiko para 4 vitesh, EU rindërton urën që po

Ura e Kurcajt përfaqëson një shembull të shkëlqyer të arkitekturës historike rajonale dhe të arritjeve inxhinierike, ajo ka potencialin të jetë pjesë integrale në shtigjet lokale dhe rajonale të rigjallëruara të ecjes dhe pjesë e qasjes së “trashëgimisë së lidhur” me turizmin e qëndrueshëm rajonal.

Ajo ndodhet pranë fshatit Kurcaj, në lindje të Krujës, e ndërtuar në shek. XVIII, shërbente për të lidhur Krujën me Fushën e Tiranës.  

Degradimi i saj u denoncua nga mediat kohë më parë, përfshirë edhe Politiko.al përmes një reportazhi katër vite më parë.

Politiko.al u interesua asokohe tek institucionet përkatëse, në fillim tek Drejtoria Rajonale e Kulturës Durrës, e më pas tek Instituti i Monumenteve të Kulturës Tiranë.

DRKK sqaronte se kjo urë është monument kulture i Kategorisë së parë dhe nuk është lënë në mëshirë të fatit nga institucionet. Sipas tyre, kjo Drejtori ka bërë herë pas here inspektime tek Ura e Kurcajt dhe inspektimi i fundit ka qenë para dy javësh. Ata shpjeguan se është bërë edhe një projekt për restaurimin dhe po pritej vetëm lëvrimi i fondit.

 

Të fundit