Felaj në ‘Politiko’: SPAK nuk duhet të veprojnë si ishull më vete

Deputetja e PS nuk i ka kursyer kritikat ndaj SPAK, duke ndjekur linjën e kryeministrit Edi Rama, i cili një javë më parë e sulmoi duke e akuzuar se nuk po heton ‘peshit e mëdhenj’.

E ftuar në emisionin ‘Politiko’ me Alfred Lelën në Top News, Felaj thotë se SPAK nuk duhet të veprojë si ishull më vete dhe se çfarë ka hetuar deri tani nuk i kalon gishtat e njërës dorë.

Pjesë nga biseda:
Lela: Do e vijoni trysninë ndaj SPAK në formën e zgjedhur prej Ramës apo do coni indicie duke dërguar shkresa në institucione në vend të prononcimeve të forta?  

Felaj: Prokurorët e gjyqtarët e çmojnë punën e tyre si sfidë.

Lela: Duhet të mësohen me këto presione?

Felaj: Ata duhet ta kenë në vetëdije punën nën sfidë se do i nxisë të rrisin performëncën e tyre përballë kritikave, jo vetëm nga politika, se kritikat se mund të vijë nga media, organizatat...   

Çfarë është hetuar deri sot nuk i kalon gishtat e njërës dorë. Vërej me shqetësim se raportet mbeten statistikore, nuk ka analizë. Duhet që qasja të jetë agresive ndaj korrupsionit dhe krimit të organizuar. Nuk ka analizë që të orientohet në drejtim të dëmit. Nuk duhet të veprojnë si ishull më vete.

Lela: A ka Rama në PS kallëzim konkret për Berishën dhe Metën?

Felaj: Në qëndrimin e  Ramës është të vilet esenca. Do jemi konsistent që hetimet të jenë të plota e të kenë efektivitet e të flasim për rezultate të prekshme.

Lela: Ka frikë PS nga aktiviteti i SPAK?

Felaj: Cdo zyrtar duhet të ushtrojë përgjegjësitë me frikën e ligjit.