Flash News

Ligji i ri i Ramës, Berisha: U bëj thirrje pedagogëve dhe studentëve të mbrojnë lirinë akademike

Aksident në Korçë, makina përfundon në kanal, lëndohet shoferi

Plagosje me thikë në Tiranë, arrestohet autori

Inaugurimi i Namazgjasë, Lela: Rama shkeli Kushtetutën, lejoi Erdoganin të turqizonte ceremoninë

Aksident në aksin “Koplik-Shkodër”, plagosen tre fëmijë, arrestohet i riu

Ditari i Maxhorancës

Hapësirat për parkim thuajse nuk ekzistojnë, Balla i prerë me shoferët: Çdo mjet i qëndruar gabim do të largohet me karrotrec

Politiko 26 Shtator 2023, 17:38

Hapësirat për parkim thuajse nuk ekzistojnë, Balla i prerë

Ministri i Brendshëm Taulant Balla, ka njoftuar sot se së bashku më Policinë e Shtetit kanë ngritur një plan masash për të lehtësuar trafikun e rënduar jo vetëm në Tiranë, por edhe në qytetet e tjera kryesore të Shqipërisë.

Në një dalje për mediat, Balla paralajmëroi drejtuesi e mjeteve duke u shprehur se shumë shpejt do të ndërhyhet me karoatrec për të zhvendosur makinat e parkuara gabim.

“Ne duam mirëkuptimin e drejtueseve dhe drejtuesve të mjeteve, se makina juaj e parkuar gabim është një problem shumë i madh për të tjerët, të cilëve u ke zënë rrugën, po ashtu dhe një karshillëk i madh ndaj Kodit Rrugor.

Numri i madh i masave ditën e djeshme në Tiranë, është një apel publik për reflektim dhe bashkëpunim drejtuar përdoruesve të mjeteve.

Policia e Shtetit nuk do ta tolerojë asnjë çast këtë shkelje masive dhe këtë karshillëk. Brenda pak ditësh çdo mjet i parkuar gabim do të largohet nga vendqëndrimi i gabuar me makineri të specializuar të kontraktuar nga Policia Rrugore dhe do të bllokohet”, deklaron ministri.

Balla shprehet se trafiku i rënduar në kryeqytet dhe në qytetet e tjera ka si burim kryesor edhe parkimet e gabuara, ndërsa theksoi se kësaj situate “duhet t’i jepet fund”

Por ministri i brendshëm harron faktin se makinat e parkuara gabim vijnë dhe si pasojë e mospasjes së një vendi për të parkuar ashtu sikurse duhet.

Ku qytetarët për parkim,  e lënë mjetin pranë karburantëve ku për ti shpëtuar gjobës së policëve, i japin punonjësve lekë për ta lënë disa orë aty, vetëm e vetëm sepse nuk ka vende për parkim në zona të caktuara.

“Parkimeve të gabuara vend e pa vend, parkimeve dyshe, treshe mu në mes të rrugës, parkimeve mbi trotuar apo tek korsia e biçikletave etj., do duhet t’i jepet fund. Trafiku i rënduar në kryeqytet dhe në qytetet e tjera ka si burim kryesor edhe parkimet e gabuara, të cilat bllokojnë rrjedhshmërinë e  trafikut”, tha Balla.

Të fundit