Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ditari i Maxhorancës

Mandati i Xhaçkës, Spiropali detyrohet të reagojë pas kritikave të SHBA e BE

Politiko 13 Shtator 2024, 19:57

Mandati i Xhaçkës, Spiropali detyrohet të reagojë pas

Kryeparlamentarja Elisa Spiropali ka reaguar pas kritikave nga Ambasada e SHBA dhe Bashkimi Evropian pasi në mesnatë me votat e deputetëve socialistë u pengua kalimi në Gjykatën Kushtetuese të çështjes së mandatit të ish Ministres së Jashtme Olta Xhaçka.

Në një reagim në platformën X, Spiropali shkruan se i është drejtuar Komisionit të Venecias dhe se pasi të marrin opinionin lidhur me këtë çështje do të veprojnë pa humbur kohë.

Reagimi i Elisa Spiropalit:

Ndaj plotësisht bindjen se zbatimi i vendimeve të Gjykatës Kushtetuese nga Parlamenti është një çështje thelbësore, pasi lidhet me kontrollet dhe balancat institucionale në sistemin demokratik të vendit. Prandaj edhe e theksova gjatë hapjes së sesionit parlamentar javën e kaluar, si prioritet nevojën që Kuvendi të ndjekë vendimet e mbetura të Gjykatës Kushtetuese. Votimi i djeshëm demonstroi se vendimi i Gjykatës Kushtetuese të një viti e gjysmë më parë dhe së fundmi ai i Korrikut 2024, ka nevojë për sqarimin që kërkohet prej po kaq kohësh.

Pikërisht me qëllim marrjen e këtij sqarimi dhe dhënien fund të paqartësisë që e ka shoqëruar Kuvendin, për mënyrën e zbatimit të vendimit, i jam drejtuar menjëherë sot Komisionit të Venecias si një instancë me prestigj e kompetencë të padiskutueshme. Sapo të marrim nga Komisioni i Venecias opinionin përkatës, do të veprojmë sipas atij opinioni pa humbur asnjë ditë më shumë.

Mbrëmjen vonë të së enjtes, PS-ja edhe një herë shpëtoi mandatin e deputetes Olta Xhaçka, ndërsa njëherësh kryetarja e Parlamentit njoftoi se do të kërkojë mendim nga ekspertët e Komisionit të Venecias, mbi disa pikëpyetje që janë ngritur gjatë këtyre dy viteve mbi detyrimin e deputetëve për të votuar vetëm PRO, urdhërimeve të Kushtetueses.

Të fundit