Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Ditari i Maxhorancës

Marrëveshja për refugjatët, Rama flet në emër të shqiptarëve pa i pyetur: Italia na kërkoi t’i japim një dorë

Politiko 7 Nëntor 2023, 08:15

Marrëveshja për refugjatët, Rama flet në emër të

Shqipëria do të kthehet në një “në një kamp refugjatësh” për emigrantët ilegalë që vijnë nga Lindja e Mesme drejt Italisë. Kryeministri Edi Rama nënshkroi dje marrëveshje me homologen italiane Girogia Meloni.

Në një intervistë për gazetarin Bruno Vespa në Rai 1, Rama foli në emër të shqiptarëve duke thënë se marrëveshje vjen si një shenjë mirënjohje nga e gjithë shqiptarët.

Mirëpo, pavarësisht se foli në emër të kombit, Rama nuk e di se çfarë opinioni kanë shqiptarët për marrëveshjen në fjalë.

“Kjo marrëveshje vjen nga mirënjohja e thjeshtë që gjendet gjithmonë brenda meje dhe brenda të gjithëve ne shqiptarëve kundrejt Italisë dhe kur Italia na kërkon të japim një dorë, edhe pse ne nuk mund të zgjidhim problemin e madh të emigrantëve, jemi të nderuar të japim një dorë. Kaq”, dekaroi Rama.

I pyetur nga Vespa se si do të bëhet menaxhimi i kampeve, Rama tha se gjithçka është bërë bazuar te kriteret e Bashkimit Evropian.

“Bëhet fjalë për një qendër pritjeje dhe për një post ku do të procedohet me të gjitha verifikimet, me të gjitha regjistrimet. Çdo gjë është bërë sipas kritereve të mirëpërcaktuara të Bashkimit Europian”, tha Rama.

Teksa gazetari italian bëri një paralelizëm mes marrëveshjes së nënshkruar dje dhe emigrimit masiv të shqiptarëve 30 vite më parë, Rama tha se ishte Italia ajo që iu dha shqiptarëve një të ardhme, kur po largoheshin nga ferri.

“Nëse sot, Shqipëria është destinacion për Italinë e nëse sot shqiptarët në Itali, por edhe në Shqipëri kanë një të ardhme, kjo vjen edhe në pjesë të madhe nga fakti që kur ne ishim refugjatë, kur ne largoheshim nga ferri, Italia na priti krahapur dhe na dha atë çfarë është gjëja më e çmuar për një qënie njerëzore, të ardhmen. Dhe në kërkim të së ardhmes, njerëzit janë të gjithë qënie njerëzore, pavarësisht nëse janë muslimanë apo të krishterë, por të gjesh një ekulibër këtu është një çështje shumë e ndërlikuar”, shtoi kryeministri.

Të fundit