Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Maxhorancës

Meta e akuzoi për blerje votash, Koka e sulmon: Pis burrë, ik mbyllu në Lalëz dhe ruaj arkat që ke fshehur në baçe

Politiko 22 Prill 2021, 14:13

Meta e akuzoi për blerje votash, Koka e sulmon: Pis burrë, ik mbyllu

Kandidati i PS-së në Durrës, Lefter Koka ka reaguar pas akuzave të presidentit Ilir Meta. Ky i fundit e akuzoi për blerjen e votave në këtë qark, duke theksuar se koka duhet të ishte në burg. Sipas Metës, djali i Lefter Kokës del me pistoletë dhe terrorizon qytetarët që të mos votojnë LSI-në, me porosi të Edi Ramës. 

Ai "është penduar" që ka mbështetur LSI-në, duke theksuar se ka siguruar shume vota për këtë parti. "Të vura në dispozicion veten, shoqërinë dhe miqësitë e mia në Durrës, që partia jote të merrte aq shumë vota, sa 1000 filxhanet e Monikës nuk i shikonin dot", shkruan Koka në Facebook.

Ai thotë se votat që kanë shkuar për LSI-në ishin të tijat dhe këtë herë do të shkojnë për PS-në, duke ironizuar kandidatët e LSI-së në Durrës. Koka ka ashpërsuar tonet, duke akuzuar dhe fyer Presidentin Meta.

"Ti je një i marrë fund, që Zoti ta ka marrë mendjen për të të zhveshur lakuriq përpara popullit, prandaj prite me qetësi dhe dashuri verdiktin e tmerrshëm që të pret në 25 prill! Ti do të mbetesh gjatë në kujtesën e këtij populli, si një palaço që të vret natën dhe të qan ditën. Kur flet ti për blerje votash dhe për Kushtetutë, është njësoj si të dëgjosh një baxhellë të flasë për virgjëri dhe një kriminel të flasë për ligjin!

Ti je një arsye e madhe për të besuar që ka Zot, se vetëm Zoti mund të të hiqte ty nga qafa e shqiptarëve kështu siç e meriton! I shpërfytyruar, i degjeneruar, i mbaruar që të ra dhe cipa e fundit. Ik tani dhe mbyllu në kafazin tënd në Lalëz dhe mos fli natën, që të ruash arkat që ke fshehur në baçe! Pis burrë!"-shkruan ndër të tjera Koka.

Të fundit