Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Maxhorancës

Meta e "ngacmoi", Gjiknuri i bën ftesën: Hajde në Kuzumbaba pas zgjedhjeve

Politiko 9 Prill 2021, 15:33
Meta e "ngacmoi", Gjiknuri i bën ftesën: Hajde në

Deklaratës së  Presidentit Ilir Meta nga Vlora i është përgjigjur drejtuesi politik i Partisë Socialiste për këtë qark, Damian Gjiknuri.

Gjiknuri u pyet në një intervistë për “6Plus1 Vlora”, për ftesën që Ilir Meta i bëri publikisht për ta takuar në kafe si dhe për ironinë e tij rreth aeroportit të Vlorës.
 
“Presidenti i Republikës, siç duket nga halli që nuk po gjen dot veten LSI në Vlorë, po i shpeshton vizitat e tij, ditën dhe natën. E di vet ai shumë mirë me kë takohet. Edhe ne e dimë shumë mirë. Më vjen keq sepse unë kam respekt për institucionin e Presidentit dhe nuk mund të ulet deri në këtë nivel për të kërkuar vota. Vlonjatët tashmë e kanë bërë zgjedhjen e tyre. Sa për aeroportin, Presidenti si një qytetar i lirë nesër do ketë mundësi të zbresë në aeroportin e ri të Vlorës. Them si qytetar i lirë sepse atëherë nuk do të jetë më President. Përsa i përket deklaratave të tjera, unë i bëj thirrje Presidentit të mos i ngacmojë qytetarët vlonjat. Mos i shiko vlonjatët si mish për top, mos i shiko si një fuçi baruti që dikush do ti hedhi shkrepsen dhe ata do të dalin. Ai mendon se vlonjatët janë njerëz të ashpër dhe mezi presin të bëjnë ndonjë rrëmujë. Vlonjatët në fakt janë njerëz që duan qetësi, duan qytetari. Edhe po të shikoni fushatën ne nuk shajmë njëri-tjetrin, ne kemi një klimë të qetë dhe nuk na duhen këta që vijnë nga Tirana dhe hedhin zjarr këtu sepse nuk kemi nevojë. Presidenti le të gjejë veten e tij. Kur të jetë si qytetar i lirë pastaj le të vijë të hajë dhe një drekë Kuzbaba. Pas zgjedhjeve le të vijë në Kuzumbaba tek miku i tij Çim Selami, se dikur e ka patur mik dhe do ti ofroj një drekë aty”, tha Gjiknuri.

së fundmi ka patur përplasje në distancë mes presidentit dhe drejtuesve politikë të PS në Vlorë,të cilët e akuzojnë Metën se vjen i maskuar në qytetin bregdetar.

Pyetjes së gazetarëve se përse shkon shpesh në Vlorë, Meta i qe përgjigjur, “Çdo shqiptar është i dashuruar me Vlorën. Arsyeja e dytë është se jam akuzuar se kam bllokuar rrugën e Selenicës, unë shkoj për ballafaqim. Jam i detyruar të shkoj më shpesh pas ‘termetit të atij zotërisë’ në Vlorë për të mbrojtur votat. Ne nuk i ndalojmë që ata të eksperimentojnë, por pasojat do të jenë të rënda.Dje kam thirrur dhe Damianin e kam pritur tërë natën, por ai s’ka ardhur. E thirra në konferencë se unë jam i hapur”.

Të fundit