Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Negociatat, Rama nga Greqia: S’ka më përgatitje për një dasmë të tretë, vafsh në djall!

Politiko 14 Korrik 2021, 16:18

Negociatat, Rama nga Greqia: S’ka më përgatitje për

Kryeministri Edi Rama ka mbajtur sërish një qëndrim kritik lidhur me qëndrimin kundër të Bullgarisë, e cila vendosi që mos të hapeshin negociatat për Shqipërinë dhe Maqedoninë e Veriut.

Gjatë fjalës së tij në edicionin e 23-të “Symi Symposium” në Athinë, Rama tha se Bullgaria është dëm kolateral në këtë aspekt dhe se përdori politikën lokale për të bllokuar vendet e tjera të Ballkanit.

“Qëndrimi bullgar është rezultat i asaj çka Bullgaria mësoi brenda BE nga të mëdhenjtë. Bullgaria mësoi se mund të përdorësh politikën lokale për të bllokuar të tjerët. S’doja ta përmendja, po nuk je i vetmi, por në Ballkan, kur kopjojmë shkojmë më tutje se sa origjinali. Ne jemi pengje të nacionalizmeve të BE. Rrugëtimi i integrimit të Ballkanit Perëndimor po varet gjithmonë e më tepër nga nacionalizmat e BE. Kur flas për nacionalizmit, flas për ato vende të rëndësishme që mbajnë peng udhëheqësit, që ende nuk janë nacionalist dhe bien pre e këtyre lojërave të përdorjes së KE-së për t’i shtrydhur vendet e Ballkanit për t’i treguar muskujt vendeve të tyre.

KE nuk ka vendim koeziv. Është një vend ku luhen lojëra të udhëheqësve jonacionalist. Bullgaria është dëm kolateral në këtë aspekt. Mendoj se nuk duhet që të biem pre e dëshpërimit, zhgënjimit, pasi e kemi mësuar këtë moton; “na merrni, se po mos të na merrni ju, do na marrin ça të keqin”. “Martohuni me ne, se do dalin ça të përdala të na marrin”. Por nuk funksionon kështu! Ne e kemi parë veten të përgatitur për dasmën e madhe, me dekorimet e bëra, dhe kemi marrë orkestrën më të mirë sepse KE tha se jeni gati të nisni bisedimet.

Pasi kur e thotë KE, ai është organizimi i duhur për ta thënë këtë. Ai ka një ekip njerëzisht që punojnë për të marrë fakte dhe të dhëna. Dasma e parë, nusja nuk erdhi, mire! Dasma e dytë, nusja e dytë nuk erdhi. S’ka më përgatitje për një dasmë të tretë, vafsh në djall. Janë dhe këto kushte të çuditshme, se thonë; pranverën tjetër, dhe bëhet në vjeshtë, dhe nusja nuk vjen.

Dhe mbetet sikur vendi është i tradhtuar dhe ne na mbetet që të vazhdojmë. Aspak, pasi një superfuqi që na e kërkon ta bëjmë këtë, por është e mirë për fëmijët tanë. Procesi bazohet në njohuritë e ndërtimit të institucioneve. Ne nuk mund t’i bëjmë vendet tona shtete funksionale të së drejtës. Kjo është arsyeja se pse duhet të ecim përpara. A njihet apo jo kjo nga Brukseli, s’duhet të na lërë pa gjumë. BE ka nevojë për Ballkanin sa ka nevojë Ballkani për BE”, tha kryeministri.