Përmbytjet/ Ekonomi bën bilancin e dëmeve; Rama e quan sfidën e fituar, flet për simbolet e maskës pas ankesave në KQZ

Kryeministri Edi Rama

Në konferencën e kësaj të premte për situatën e krijuar në vend nga përmbytjet e ditëve të fundit ministrja e Bujqësisë Milva Ekonomi tha se situata e përmbytjeve është menaxhuar në mënyrën e duhur.

Ajo shtoi se është bërë e mundur të mos kishte ndërprerje të energjisë elektrike. Ikonomi bëri bilancin e post-përmbytjeve, ku theksoi se ka 0 argjinatura dhe kanale të dëmtuara.

“Është dyfishuar rehabilitimi i kanaleve vaditëse. Janë rehabilituar 40 diga, janë përmirësuar 104 km argjinaturë. Janë 7 hidrovore të rikonstruktuar plotësisht. Falenderoj OSSHE-në pasi kanë bërë të mundur mos ndërpritet energjia elektrike.

Drejtoritë rajonale të ujitjes kanë monitoruar nivelin e ujit. Duhet të kemi durim në situata të tilla, pas dy javësh që të evidentohet dëmi. Themi me zë të plotë se kemi zero kanale dhe argjinatura të dëmtuara. 3340 ha është sipërfaqja e përmbytur.

Në 2021 mendohet të vazhdohen investimet. 2.9 mld lekë është fondi që do ët shkojë në pikat emergjente”, tha ajo.

Ndërkohë kryeministri Edi Rama tha se shifrat e përmbytjeve krahasuar me vite më parë tregojnë se investimet janë bërë strategjike dhe jo politike. Ai deklaroi se shumica e tokave të përmbytura nuk janë produktive.

“Shifrat nuk i tregojnë të gjitha. Çështja është se ku kanë shkuar investimet, është investuar në mënyrë strategjike apo taktiko-politik si në të shkruarën. Për të gjithë ata që flasin për bujqësinë, sot krahasuar me 7 vite më parë, Shqipëria ka më shumë sesa dyfishin e tokës së punueshme. Shqipëria ka rekord shifrash eksport të prodhimeve bujqësore”, shtoi Rama.

Ai tha se do të ketë dëmshpërblim për banorët e dëmtuar. Ai nuk e mohoi që mund të ketë ngelur ndonjë rast pa e marrë dëmshpërblimin nga viti i kaluar, ndërsa shtoi se shumica e ka marrë.

“Do ketë dëmshpërblim sipas ligjit. Bashkitë do bëjnë vlerësimet ne do bëjmë atë që na takon. Në zonën e Obotit, ku ka pasur problem ushqimi për bagëtitë është garantuar nga ministria e Bujqësisë. Tokat e përmbytura janë joproduktive”, tha kryeministri.

Pas ankesave të mbërritur në KQZ, se kryeministri Edi Rama përdor maskën me logon e PS, në një kohë që është një ndër aktivitetet e ndaluara pak muaj para zgjedhjeve, Rama tha: Kjo është maska ime, nuk është logo e PS, janë germa dhe lule të dashura për mua, dhe yje që janë pjesë e figurave që më intrigojnë, kështu që lexojeni si të doni, janë dy gërma të dashura për mua që dikush i lexon PS, por nuk është logo e PS.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm