Flash News

Shkon në mbi 2500 numri i viktimave nga tërmeti në Turqi dhe Siri

Në aferën “McGonigal” u vendos një standard

U zhduk dy vite më parë, gjendet trupi i 24-vjeçarit Klevis Lleshi

PS e bën rrugë, kërkon përjashtimin e 8 demokratëve nga seancat plenare

“3 etapat për shkatërrimin e opozitës”, Berisha pak ditë para protestës: Rama do të përfundojë si McGonigal

Ditari i Maxhorancës

‘Përplasje’ në PS/ Braçe akuza Ballës: Urdhëroi rrëzimin e amendamenteve për bujqësinë

Politiko 30 Nëntor 2022, 14:58

‘Përplasje’ në PS/ Braçe akuza Ballës:

Një “përplasje” ka lindur mes socialistëve. Deputeti Erion Braçe ka akuzuar kreun e grupit parlamentar, Taulant Balla se ka urdhëruar bllokimin e amendamentit që mbron bujkun në raport me tregtarin.

Amendamentet ishin depozituar disa muaj më par nga Braçe. Ky i fundit ironizon Ballën duke theksuar se qëndrimi i tij ka ardhur pasi ka zbuluar se Braçe është kundër qeverisë socialiste. Ai thotë se urdhri i Ballës që reflekton padituri, ligësi dhe smirë.

“Në ligj sot ne kemi veç një afat për të mbrojtur tregtarët, marrëdhëniet mes tyre, asgjë për bujkun në raport me tregarin. Prej qershorit, propozimi ligjor që kam bërë është bllokuar; 5 javë më parë propozimi ishte në kalendar për t’u diskutuar në komisionet e seancës plenare; Por përsëri u bllokua në mënyrë të paligjshme jashtë çdo procedure parlamentare, nga kryetari i grupit parlamentar të Partisë Socialiste! Përse? Sepse tamam ai, ka zbuluar se unë jam kundër qeverisë së Partisë Socialiste dhe se ligji bie ndesh me politikat e saj!!!!!!!

Pra, pa asnjë efekt mbi buxhetin e shtetit, të propozosh që bujqit të marrin paratë e mallit shitur grumbulluesve, brenda 50 ditëve, qenka kundër qeverisë dhe Partisë Socialiste?! Ky qoftë! Të enjten, urdhëroi votim kundër një ndihme të vogël e konkrete për blegtorët, punën e tyre, thjesht pse ishte propozim i imi; një urdhër që reflekton padije-padituri, ligësi, smirë, qe gëlojnë mes atyre që urdhrin e kanë instrument fuqie, pushteti. Ka bllokuar prej muajsh një rregullim që ndihmon e garanton bujqit të marrin paratë e punës dhe mundit të tyre; tërësisht në mënyrë të paligjshme”, thotë Braçe përmes një vide-mesazhi.

Më tej ngre pyetjen se çfarë duhet të bëjë një deputet për të bërë mbrojtur interesin publik, ndërsa thotë se duhet të kërkojë punë tjetër.

“Në këtë pikë një pyetje kam: Çfarë duhet të bëjë një deputet për të bërë punën e tij, të mbrojë punëtorët e sektorit më të gjerë të ekonomisë kombëtare, bujqësisë? Ua them vetë: Duhet të kërkojë punë tjetër! Ajër!”-shton Braçe.

Nuk është hera e parë që ky i fundit jep sinjale se mund të japë dorëheqjen nga mandate i deputetit.

Të fundit