Pezullimi i punës në Rinas, Rama akuza Metës dhe Berishës: Përpjekje për të rrëzuar qeverinë, por i kanë bërë llogaritë gabim

Kryeministri Edi Rama ka reaguar lidhur me bllokimin e punës në aeroportin "Nënë Tereza", për shkak të grevës së kontrollorëve të Albcontrol.

Nga Tepelena, Rama bëri përgjegjës sërish ish kryeministrin Sali Berisha dhe presidentin Ilir Meta, si personat që kanë nxitur një akt të tillë.

Sipas Ramës, kjo tentative synon rrëzimin e qeverisë, por sipas tij do të dështojë.

"Ka ndodhur një akt i paimagjinueshëm, është marrë peng aktiviteti i aeroportit 'Nënë Tereza' nga një grup i nxitur drjetpërdrejtë nga Ilir Meta dhe Sali Berisha.

Meta ka hedhur gurin dhe që pasi ka fshehur dorën dhe ai e ka lënë vetiu pa dashje, sikundër nuk ka shqiptarë që nuk e kupton si dhe pse Meta e Berisha janë në këtë akt nxitës në vazhdën e një përpjekje për të rrëzuar me cdo kusht qeverinë e shtetin po qe nevoja për rrëzimin e qeverisë dhe me këtë rast kanë menduar të bllokojnë edhe vaksinimin.

Sot duhet të mbërrinte në Rinas sasia tjetër e vaksinat, por i kanë bërë llogaritë gabim. Kanë gjetur qeverinë e kryeministrin e gabuar për ta sfiduar me tilla akte ekstreme.

Kanë shfrytëzuar një grup kokash të nxehta te kontrollorët e Albkontrollit.

Ju bëj thirrje të kthehen në detyrë para se të jetë vonë se është e paimagjinueshme që për të kërkuar të marrë pagën që kanë marrë normalisht në atë sistem të organizuar që nuk ka lidhje me buxhetin e shtetit, që është ulur nga pandemia që ka goditur kudo, sidomos sektorin e transportit ajror, e kanë aktualisht 2400 e ca dollarë dhe nuk pranojnë të punojnë për kaq para se duan pagën e plotë.

Këtë nuk e zgjidh qeveria se nuk kanë lidhje. Shumë shpejt do e vëmë nën kontroll situatën dhe planin e tyre për të bllokuar aeroportin deri në zgjedhje mundësisht, do dështojë.

Bllokimi i aktivitetit sidomos në këtë moment bllokon vaksinat, kthimin në atdhe, atyre që kanë prerë biletën, po goditen në emër të politikës smirzezë për vendin", u shpreh kryeministri.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm