Plagosja e aktivistit të PD në Kavajë, reagon Rama: Autori të prangoset sa më shpejt, Basha të bashkohet me mua

Kryeministri Edi Rama ka reaguar pas incidentit të ndodhur në zyrën elektorale të PD në Kavajë, ku mbeti i plagosur aktivisti demokrat, Bledar Okshuni.

Në një reagim në twitter, Rama e ka cilësuar ngjarjen të patolerueshme dhe ka kërkuar që autori të prangoset sa më shpejt.

Po ashtu, Rama i ka kërkuar sërish Bashës të bashkohet me të, ndërsa presidentit Ilir Meta të ndaloje fushatën.

“Plagosja e Kavajës e patolerueshme! Autori duhet çuar në pranga sa më shpejt!

Politizimi i kësaj ngjarjeje është po aq i keq sa vetë ngjarja! LB duhet të bashkohet me mua për të mbështetur drejtësinë pa nxitur tensionin, ndërsa IM duhet ta ndalë fushatën idioteske të tensionimit!”, shkruan Rama.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm