Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Plantacione me kan*bis në Spanjë, arrestohen 13 shqiptarë

“Mbrojeni shëndetin tonë!”/ Qytetarët protestojnë kundër fabrikës së mbetjeve shtazore në Lezhë

Ndahet nga jeta parakohe gazetari i njohur sportiv, Saimir Demi

Aksidentoi fëmijën 3 vjeç me makinë dhe më pas u largua, arrestohet 44 vjeçarja në Tiranë

Ditari i Maxhorancës

Presionet dhe kërcënimet ndaj drejtësisë, për Ramën janë "standarde"

Politiko 13 Shkurt 2025, 09:21

Presionet dhe kërcënimet ndaj drejtësisë, për

Një ditë më parë, kryeministri Rama kërcënoi haptazi kreun ILD-së dhe ushtroi presion ndaj Këshillit të Lartë Gjyqësor, duke i akuzuar se nuk kanë reagua për arrestimin, sipas tij pa prova, të Erion Veliajt.

Sot, në komunikimin “live” në Facebok me komentuesit, Rama i qëndroi ideologjisë së vet se ndaj drejtësisë kishte bërë thirrje për standarte dhe jo presion.

Kjo deklaratë e Ramës vjen pas reagimit të KLGJ dhe ILD, të cilat kërkuan që drejtësia të mos vendosej para trysninë, pasi çdo deklaratë e tillë cenon pavarësinë dhe demokracinë.

"Më vjen mirë që i dëgjova njëherë zërin, KLGJ që ka një numër punonjësish të rritur në …594 punonjës dhe numri i përgjithshëm i punonjësve ka shkuar në duhet të marr shifrën e saktë por është mbi 2 mijë vetë në mos unë gabohem, numri i përgjithshëm i punonjësve të KLGJ, mirë bëjnë ata që flasin, ‘trysnia’, unë thashë për paraburgimin, e ka thënë KE. Këto nuk janë sulm, por thirrje për standarte.

Si mund të quhet sulm ndaj SPAK dhe trysni ndaj Gjykatës kur ngre një problem kaq parimor që ka të bënë me kërkesën më legjitime në botë për një Kryeministër dhe për më tepër mua si udhëheqës i forcës që i ka dhënë jetë SPAK, përballë të gjitha armiqësive të mundshme, duke vënë aty në tavolinë ekzistencën e asaj qeverie, duke thënë ose votoni reformën sose rrëzoni qeverinë se nuk më intereson qeveria, e të mos bëjë unë një kërkesë të tillë për standardet demokratike, kërkesë më legjitime për standardet demokratike, jo për të ushtruar presion ndaj prokurorëve dhe gjykatësit", tha Rama.

Kryeministri iu drejtua kreut të ILD, Artur Metani, duke e kërcënuar haptazi që "mos bëjnë gabim të vijnë të kërkojnë telefonin tim". Madje, kreu i socialistëve e akuzoi institucionin se është në 'gjumë'.

"Sa është ora 9:48 nuk e di nëse është zgjuar inspektori i lartë i drejtësisë por mbase zgjohet dhe më dëgjon. Është shumë e rëndë kjo. Shumë e rëndë dhe mos bëjnë gabim të vijnë të kërkojnë telefonin tim, sepse boll i kanë, i kanë mbledhur të gjithë telefonat e Shqipërisë atje. Të shkojnë të merren me faktet", deklaroi Rama një ditë më parë.

Të fundit