PS i rrëzoi amendamentet për paketën fiskale, reagon Braçe: Ndihem keq kur shumica voton ligje klienteliste

Vjen reagimi i ish-zv.kryeministrit Erion Braçe, pasi gjatë seancës parlamentare, mazhoranca socialiste rrëzoi propozimet e tij për paketën fiskale.

Amendamentet e tij që i referoheshin politikave që duhen ndërmarrë në Bujqësi për të bërë të mundur që bujqit të lehtësoheshin nga TVSH dhe të nxitej prodhimi, morën vetëm 8 vota pro.

Në një postim në rrjetet sociale, Braçe shkruan se nuk ndihet keq që propozimet e tij morën vetëm 8 vota por shkruan se ndjehet keq kur shumica voton ligje klienteliste.

 “8 VOTA PRO PER BUJQIT!

Po hap i madh perpara ama;

-Ne nentor 2018-te, kur PROPOZOVA TATIM ZERO per rrogat deri ne 40 mije leke, MORA VETEM 5 VOTA PRO;

Kete nentor, qeveria erdhi tek propozimi im, 3 vite me vonese dhe me 46. 800 leke barre fiskale mbi çdo shqiptar me rroge 40 mije leke; llogaria eshte edhe me tre zero te tjera per rrogat nga 30 mije deri ne 40 mije leke.

-Ne nentor 2018-te, kur KUNDERSHTOVA SKEMEN 6 ME 20 PER TVSH E FERMERIT, MORA VETEM 5 VOTA PRO;

Kete nentor, parate e munguara tek gjithe zinxhiri nga bujku prodhues tek grumbulluesi, perpunuesi, ne tregun e brendshem, arriten ne 4.5 MILIARD LEKE;

Nderkohe pasoja ne blegtori, numer lopesh per qumesht, delesh e dhish per qumesht, eshte katastrofike.

A MBAN PERGJEGJESI KUSH?

Pra, dua te them;

-E para, e drejta, e verteta nuk matet me vota, nuk relativizohet, nuk zhvleresohet nga votat politike, fare;

Udheheqesve ju duhet kohe te vijne tek ajo qe eshte e vertete dhe e drejte.

-E dyta, une nuk ndjehem keq per 8 votat; une ndjehem keq kur PROPOZIME TE MAJTA nuk votohen; une ndjehem keq kur propozime ne favor te shumices nuk votohen;

Mbi te gjitha, une ndjehem keq kur nje ligj klientelist, teresisht personal e vetem per nje kompani, si dem per njeren e si favor per tjetren, votohet me shumice, si sot. Ky eshte problem i madh! Personalizimi i politikes fiskale eshte gjeja me e rende qe i ndodh tregut, ekonomise. Faleminderit te gjitheve!", shkruan Braçe në regim.