Flash News

Festimet për kualifikimin e Meksikës në Botëror kthehen në tragjedi, tre tifozë humbin jetën

SPAK kërkoi burg, GJKKO shpall të pafajshme Majlinda Bufin

Aksidenti në autostradën Durrës-Tiranë, 5 të plagosur dalin nga spitali, si paraqitet gjendja e të tjerëve

Posta e mëngjesit/ Me 2 rreshta: Çfarë pati rëndësi dje në Shqipëri

Protestuesit u tërhoqën zvarrë, Vengu qan hallin e deputeteve: Ç'taksirat kishin të sulmoheshin?

Ditari i Maxhorancës

Rama akuzon Metën e opozitën si organizatorë të protestës: Një lukuni e dalë nga nuk e di se ku, përdorin minorenë të joshur me para

Politiko 11 Dhjetor 2020, 18:46

Rama akuzon Metën e opozitën si organizatorë të

Kryeministri Edi Rama e ka cilësuar protestën e zhvilluar sot ditën e tretë pas vrasjes së Klodian Rashës të nxitur politikisht nga presidenti Ilir Meta dhe opozita.

Pasi ka vizituar efektivët e mbetur të plagosur në protestë në QSUT, Rama e ka cilësuar protestën një lukuni që sipas tij ka marrë përsipër të nxjerrë sytë e policëve të shtetit.

"Një lukuni e dalë nga nuk e di se ku, nxjerr sytë e policëve. Efektivi i policisë rrezikon të humbasë dritën e syrit. Në asnjë mënyrë kjo lukuni nuk është e lidhur me asgjë që ka të bëjë me lirinë, me demokracinë, me drejtësinë dhe me dhimbjen dhe tronditje e qytetarisë shqiptare kur morën lajmin e humbjes tragjike të jetës së këtij djali 25-vjeçar.

Sot efektivi ishte para trupit gjykues, e patë e dëgjuat. Madje nuk bëri asnjë përpjekje për të ndërtuar alibi për atë që ka bërë. Ka të drejtë të ketë procesin e vet gjyqësor, dhe do të dënohet sipas ligjit. Morali? Ministri tregoi moral, shembull fisnikërie pa patur asnjë faj direkt apo indirekt me ngjarjen, por si qytetar, prind nuk e ka gabimin të qenit kundër popullit vet.

Kush del në protestë ka të drejtën e zotit dhe të vetë që ka indinjuar të gjithë. Por nuk ka të drejtë që t’i prekë shtetit asnjë fike floku.  

Presidenti ende nuk e ka dënuar dhunën, ende nuk i ka thënë asnjë fjalë kësaj familjeje e asaj nëne që është atje dhe pret të birin. Së bashku me atë tjetrin, ish-kryeministër sot është krenar që ka vrarë njerëz, dhe i vjen keq që nuk ka vrarë më shumë dhe vazhdon e tregon shqiptarëve se dhuna është rruga për të bërë përpara në këtë vend.

Policia ka qenë përtej kufijve të tolerancës si natën e parë, apo dje. Policia ka detyrë të reagojë në mënyrë proporcionale, te tërhiqet apo të pranojë të goditet se duan disa të bëjën shesh e përshesh në mes të Tiranës.

Në protestë janë pamjet e minoreneve që janë të manipuluar dhe abuzuar dhe të joshur me para për të marrë rrugët për të bërë atë që bëjnë pa vetëdijshëm se cfarë po bëjnë. Nuk ia vlen të futemi të diskutojmë se ka një axhendë politike”, tha Rama.

 

Të fundit