Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama i kërkon Luigi Di Maio-s njohjen e patentave shqiptare: Kanë ngecur në korridoret unikë të burokracisë italiane

Politiko 5 Mars 2021, 19:21

Rama i kërkon Luigi Di Maio-s njohjen e patentave shqiptare: Kanë

Kryeministri Edi Rama ka nisur pasditen e kësaj të premteje në Itali vizitën dy ditore në kudër të 30-vjetorit të eksodit të shqiptarëve të marsit 1991.

Pas zbritjes nga avioni, kreu i qeverisë shqiptare zhvilloi një konferencë të përbashkët me Ministrin e Jashtëm italian, Luigi Di Maio dhe Presidentin e Rajonit të Pulias, Michele Emiliano.

Gjatë fjalës së tij, Rama vendosi theksin tek marrëdhëniet shumë të mira mes dy vendeve, si dhe shprehu falenderimin e tij për Italinë, që 30 vite më parë mirëpriti mijëra shqiptarë.

"Ndërsa zbrisja nga avioni duke parë gjithë këtë pritje më vinte në mend një këngë italiane që nëse nuk gaboj thotë ‘kalojnë vitet mes furtunave’… Janë 30 vite që kur shqiptarët hipën në varka për të ardhur në këtë anë të deti. Në këto 30 vite kanë ndodhur shumë gjëra. Jam i sigurt që kjo periudhë e historisë sonë nuk do të harrohet kurrë nga gjeneratat e ardhshme. Në këtë moment doja të thosha vetëm faleminderit për atë që italianë në përgjithësi dhe puljezët në veçanti kanë bërë, njerëzit e thjeshtë duke hapur portat për njerëz të panjohur, të ndryshëm, që dhe mund të trembnin. Urrejtja nuk fitoi, por fitoi shpirti i bujarisë, shpirti i solidaritetit të popullit italian dhe institucioneve italiane. Ato institucione që gjithë këto vite kanë qenë gjithmonë pranë Shqipërisë dhe pavarësisht ngjyrës së atyre që kanë qeverisur, nga pikëpamja politike. Ngjyra e bashkëpunimit në këto 30 vite ka qenë e dashurisë dhe miqësisë. Pa u bërë patetik do doja të thosha faleminderit për atë që Luigi personalisht ka bërë dhe Mikele personalisht ka bërë kur 15 muaj më parë Shqipëria ishte viktimë e një tërmeti të tmerrshëm dhe Italia ishte aty si në territorin tonë si atë europian për të nderuar të gjitha fjalët e bukura të thëna këto 30 vite që Shqipëria është pjesë e Europës. Nuk do mund të them asnjëherë mjaftueshëm për këta dy persona dhe të them se si ata janë impenjuar, duke u bërë me të vërtetë avokati më i madh i popullit shqiptar në një moment të errët, por jo vetëm atëherë, gjatë gjithë udhëtimit. Ai ka qenë vërtetë një mik me 5 yje." u shpreh Rama.

Më tej, Rama i kërkoi ministrit italian, Di Maio njohjen e patentave shqiptare, pasi sipas tij, ato kanë ngecur në korridoret e burokracisë italiane.

"Meqë këtu janë të gjithë gazetarët dhe jam bombarduar prej javësh dhe ambasadori do të më falë për këtë thyerje le të themi të protokollit, dua të përdor këtë çast për t’i kërkuar Luigit të merret me patentat e shqiptarëve në Itali sepse kanë ngecur në korridoret unikë të burokracisë italiane dhe duhet të nxirren që të drejtojnë normalisht, sepse si napolitanët dhe ne shqiptarët jemi të kujdesshëm të ngasim pa patenta” tha Rama.