Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama-Stoltenbergut: Bisedime të vazhdueshme për të shmangur destabilitetin. Kërkon përfshirjen e Serbisë

Politiko 13 Korrik 2022, 14:04

Rama-Stoltenbergut: Bisedime të vazhdueshme për të shmangur

Kryeministri Edi Rama ishte sot në Bruksel, ku u takua me Sekretarin e Përgjithshëm të NATO-s, Jens Stoltenberg. Në konferencën e përbashkët për shtyp, Rama kërkoi bashkëbisedim të vazhdueshëm për të shmangur destabilitetin në Ballkanin Perëndimor.

Gjithashtu nënvizoi se roli i Shqipërisë do të jetë gjithmonë pro paqed në Rajon. Rama kërkoi përfshirjen e Kosovës në partneritetin për paqe.

Gjithashtu nuk harroi të përmende as Serbinë, edhe pse kjo e fundit është e vetmja në Rajon që nuk ka vendosur sanksione ndaj Rusisë. Ai tha se edhe Serbia duhet të jetë pjesë e bisedimeve, edhe pse nuk është anëtare e NATO-s.

“Është e rëndësishme që ne të vazhdojmë bashkëbisedimin tonë përkundrejt situatës dhe detyrimeve që ne kemi në Ballkanin Perëndimor, që të parandalojmë çdo përshkallëzim e çdo ndikim të keq të kthehet në probleme për Rajonin tonë. Në kapacitetin tonë, ne do të vazhdojmë të luajmë rolin tonë tradicional në mbështetje të paqes rajonale. Dhe ndërkohë që koncepti i ri strategjik që ne sapo kemi miratuar, thekson rolin strategjik të Ballkanit Perëndimor për NATO-n.

Ne theksojmë se është shume e rëndësishme që të vijojmë një dialog të përhershëm me vendet e Ballkanit Perëndimor, përfshirë Serbinë, e cila nuk është pjesë e aleancës, por e Rajonit tonë. Dua të theksoj nevojën për përfshirjen e Kosovës në partneritetin për paqe, edhe pse e dimë që ka kufizime politike nga aletatët”, tha Rama.

Ky i fundit foli edhe për bazën e re të NATO-s, që do të ndërtohet në Portin e ri të Durrësit, që ishte edhe arsyeja e vizitës së tij në Bruksel.

“E vlerësoj shumë disponibilitetin tuaj për të prezantuar ambicien tonë për të shtuar një vlerë të rëndësishme në logjistikën e aleancës tonë duke vënë në dispozicion të NATO-s një bazë të flotës detare të fjalës së fundit që do të jetë një vend ku mund të ndërtojmë duke pasur parasysh sfidat e kohës sonë. Është përherë kënaqësi të kthehesh këtu dhe është gjithnjë e dobishme të kthehesh me dobi të plota dhe t’i shërbesh kësaj aleance”, tha Rama.

 

Të fundit